Olympic gold medal pakhat chân tur Bolt

26th January 2017, 02:01AM

Usain Bolt chuan Olympic gold medal a dawn pakua atangin pakhat a pekkir a ngai dawn a ni. Hemi chungchangah hian Bolt chuan thiam lohna a nei lo a, kum 2008 Beijing Olympic-a gold medal dawngtu Jamaica relay team-a tel Nesta Carter vanga chân tur a ni.

Beijing Olympic-ah khan Jamaica relay team chuan 4x100m relay-ah pakhatna an hauh a, Jamaica tan hian Usain Bolt, Asafa Powell, Michael Frater leh Nester Carter-te inlan a ni. Beijing olympic-a infiammi 454 zet chu nikum khan International Olympic Committe chuan an thisen a endik nawn leh a, Carter-a thisenah hian damdawi hman phal loh methylhexaneamine hmuhchhuah a ni.

Bolt-a te pakhatna an nih tuma pahnihna dinhmun luahtu Trinand&Tobago chu gold medal pek an ni ang. Pathumnaah Japan thleng mahse silver medal pek an ni dawn a, Brazil chu bronze medal pek an ni bawk ang.

Kum 31-a upa Carter hi London Olympic-ah pawh khan Jamaica relay team-ah a la tel a, hemi tum pawh hian gold medal bawk an hlawhchhuak leh a. Jamaica tan World Championships kum 2011, 2013 leh 2015-ah te khan a inlan bawk a, heng intihsiaknaah hian Jamaica hi pakhatna an ni vek bawk a ni.

Copyright © inkhel.com 2024. All rights reserved.