24 Sep 2015 02:12

PC Lala

inkhel correspondent and photographer

Oil India MHL Zan 8-na khelh zawh a ni

Oil India Mizoram Hexa League Season I chu september 22, 2015T hawhlehni zan khan Mizoram Table Tennis Hall, Mission vengah khelh chhunzawm zel a ni a, MHL zan 8-na-ah hian Rubber hmasa zawkah Bungkawn G&SA leh R MHL table leader Tuikhuahtlang TT Club ten an khingpui ve ve an hneh

Bungkawn Games & Sports Association vs The Smashers, Vaivakawn.

Match hmasa zawk ah hian Bungkawn G&SA chuan The Smashers, Vaivakawn te chu 4-1 in an hneh. Lefty paddler Lalruatsanga chu BGSA in an key role player atan an hmanga, David Zodinpuia former National Champion chu Doubles leh singles pakhat chak nan atan an chhawr tangkai hle bawk.

The Smashers hian MHL table a Tuikhuahtlang lehpelh ngei tumin modern defender Lalruatpuia chu no 1 player atan chhawrin, an senior player C. Vanlalruata chuan singles pakhat leh doubles a venpui ve thung. He match ah hian doubles hmuhnawm tak en tur a awm leh a, experience duo Samuel Lalhriatpuia leh David Zodinpuia, Bungkawn ten an accurate zawkna chu a tawpah an chungnung pui.

3rd singles ah Ruattea, Vaivakawn in set 1-na ah 8-4 laia, a hmahruaina chu record nei tha Davida’n pawtthla in Ruattea’n inrintawkna a hlauh phah chu chhawr tangkaiin straight set in David Zodinpuia a chak. Lalruatsanga rilru a paukhauh chho zel a, hei hian a game ah hmuh theihin hmasawnna thlenin Vaivakawn Captain H. Laltanpuia straight set a, a hneh mai bakah Vaivakawn chopper Lalruatpuia lakah deciding game tight tak hnuaiah hnehna a chan phah.

Bungkawn hian The Smashers, Vaivakawn an hneh avang hian MHL table-ah point 8 hmu in palina atangin pahnihna ah an han chuangkai dawrh.

1st Rubber Result kimchang

LALRUATSANGA (BGSA) 3 - 0 H.LALTANPUIA (Vaivakawn)

LALRUATKIMA (BGSA) 0 - 3 B.LALRUATPUIA (Vaivakawn)

DAVID ZODINPUIA & SAMUEL LALHRIATPUIA (BGSA) 3 - 1 & ALBERT LC TLUANGA & C.VANLALRUATA(Vaivakawn)

DAVID ZODINPUIA (BGSA) 3 – 0 C. VANLALRUATA(Vaivakawn)

LALRUATSANGA (BGSA) 3 - 2 B.LALRUATPUIA (Vaivakawn)

Tuikhuahtlang TT Club vs Mission Veng La Paloma

MHL table a hmahruaitu Tuikhuahtlangin an hmahruaina sawhngheh tumin a vawikhat nan an team setting an rawn thlak hlawk a. Match hmasa lama team no 1 emaw 2 emaw aia hniam a awm ngailo C. Muana (former Mizoram no 1) chu third singles leh doubles khel turin an rawn set a, Mizoram no 1 lo ni reng tawh Basanta chu first singles leh reverse singles khel turin an rawn dah chhuak bawk.

MHL table a pathumna La Paloma, Mission Veng hian an chung ami te lehpelh ngei tumin khelh hmasa lama Player of the Night a thlan lo ni ve tawh khel tha tluang laiHenry Laltanpuia chu a awmna thin no 3 position atangin Tuikhuahtlang no 1 vuakthlak tumin no 2 ah an rawn dah chho ve bawk.

Match of the MHL ni hial khawpa hmuhnawm First singles ah Basanta, Tuikhuahtlang leh Henry, Mission veng te inkhelin first set Basanta’n a la hmasa a, second set ah pawh Basanta’n hma a hruai, mahse Henrya’n lehthalin an deuce zak zak a, MHL record siamin 19-17 in Henrya’n set a la ve thung. He set ah hian rally of the League ti a chhal ngam hmuhtur awmin board atanga hla derh dawrh a, an inralsai chu world class level tih hial ngam a ni.

Set thumna leh set li-na hi Basanta’n la zawn lehin 3-1 in inkhel inhnehtawk takah hian hnehna a chang. He match-ah hian MHL record siam a ni a, Basanta hian set 4 khelh a, a point hmuh belhkhawm hi point 50 a ni a, set khata a point hmuhtlem berah pawh point 11 a ni, vanduai ta zawk Henry-a pawh hian set 4 ah hian point 45 a hmu tling a, set khata a point hmuh tlember pawh point 8 a la ni cheu.

Second singles ah Ramduhsanga Mission Veng La Paloma leh Lalkohbika, Tuikhuahtlang inkhel lehin Ramduhsanga hi 3-2 in a chak.

Doubles pair nei tha team pahnih inkhelah hian C. Lalmuanpuia leh Lalmuanawma, Tuikhuahtlang tangkawp ten Henry Laltanpuia leh Khamlianthanga, Mission veng tangdun te 3-1 in an hneh.

Tuikhuahtlang duo C. Muana leh Muanawma te hian MHL doubles vawi 3 an khelah hnehna la chang vekin tun MHL neih mekah hian anni aia doubles a record nei tha an la awmlo.

Tuikhuahtlang hian 2-1 a hma hruaiin vawikhat chak chiah an mamawh tawh. Fourth singles-ah hian C.Lalmuanpuia leh B.Vanlalmuanpuia Mission veng te in hmachhawn lehin Tuikhuahtlang chak nan C. Muana hian B. Muana lakah 3-1 in hnehna a chang.

Reverse singles ah Ramduhsanga, Mission Vengin Basanta, Tuikhuahtlang deciding a hnehin a pumpuiah Tuikhuahtlang hian 3-2 in Mission Veng an hneh.

He result avang hian Tuikhuahtlang team in MHL table-ah point 9 hmu in hma an hruai chhunzawm zel a, Mission vengin an chak loh tuarin pathumna atangin palina ah an tawlh thla.

Player of the Night ah Bungkawn chakna atana thawhhlawk Lalruatsanga, Venghnuai rawlthar chu thlan a ni.

2nd Rubber Result kimchang

BASANTA MEISNAM(TKT) 3 - 1 HENRYLALTANPUIA(LP MV)

LALKOHBIKA (TKT) 2 - 3 RAMDUHSANGA(LP MV)

LALMUANAWMA & & C.LALMUANPUIA (TKT) 3-1 KHAMLIANTHANGA

& HENRY LALTANPUIA(MV LP)

C.LALMUANPUIA (TKT) 3 - 1 B.VANLALMUANPUIA(LP MV)

BASANTA MEISNAM (TKT) 2 - 3 RAMDUHSANGA (LP MV)

24th Sept, 15, MHL zan 9-na Match Preview tawi

Zanin hian MHL zan 9-na chu Mizoram TT Hall, Kawltheihuan, Mission veng-ah khelh chhunzawma ni leh dawn a, rubber hmasa zawk, dar 6 a tan turah MHL table mawngphah a awm Ramhlun Sporting Club leh an chung chiaha awm Mission Vengthlang TT Club te an in khel ang. Team hnih te hi a kaw tawpa tang an nih tawh avangin chak ngei tumin team setting pawh an rawn thlak danglam viau lovang tih sawilawk theih a ni lo. Ramhlun hian an star player Isaac. C. Lalsawmliana thlawptu tha an nei tawh em, chutiang bawkin Mission Vengthlang hian an star player Lalmalsawma sut en sa, hnu tha taka khar thei tur player rintlak an nei angem?

Rubber hnuhnung zawkah hian MHL table a pahnihna a rawn chuangkai thar Bungkawn Games & Sports Association leh hmahruaitu Tuikhuahtlang TT Club te an in bitum ang. He rubber hi League table a hmahruaitu nih inchuhna anih leh dawn avang leh tawnhriat nei tha team an nih dun avangin a theuneu theilo hrim hrim. Bungkawn hian an star player David Zodinpuia hi third singles leh doubles an khelh tir leh a rinawm a, third singles a David-a su tur Tuikhuahtlangin an rawn chhawpchhuah tur hriat a chakawm tawh hle.