19 Sep 2015 12:28

PC Lala

inkhel correspondent and photographer

Oil India MHL Zan 8-na khel zawh a ni

MHL Zan 8-na chu a hmun ngai, a hun ngaiah tun ningani zan khan khelh chhunzawm leh a ni a. Rubber hmasa zawkah Bungkawn Games & Sports Assn. in Mission Vengthlang Table Tennis Club chu 4-1 a hneh in MHL table-ah a vawikhat nan 4-na dinhmun an rawn luah.

Match hmasaberah Lalmalsawma MVTTC in Lalruatkima BGSA chu 3-1 in a hneh a, MVTTC in Set 1 a hma an hruai hnu hian Lalruatsanga BGSA chuan thei tawp chhuahin BGSA atan rawn fight ve leh a, Malsawmkima Chhangte, MVTTC chu a tir lamah khel tha viauin Game-ah hma a hruai zel laiin deciding a khel tha Lalruatsanga chuan 5-9 atanga pawtthla leh in 3-2 a chakin BGSA tan beiseina thar a rawn siam.

Team hnih te hian an Doubles duo neih that ber inhmachhawn tir lehin, BGSA atangin David-a leh Samuel-a te tangdun leh MVTTC atangin Liansanga leh V.Lalmalsawma inkawp ten an club tan thi leh thau pawlhin an fight a, a tawpah BGSA duo te 3-0 in an chungnung ta zawk a ni. BGSA tan chak a chance sang zel tawh a, beisei la pha tawk lo David Zodinpuia chu 3rd single khel turin BGSA lamin an rawn chhawpchhuak a, MVTTC in amah bitum tur hian Liansanga rawn chhawpchhuak ve lehin Bungkawn hian Mission Vengthlang team he rubber a, an hneh na turin David-a hian Liansanga lakah 3-0 in a hnehna a chang.

Reverse match khelh ah BGSA hian an chakna nemngheh lehzual nan an key player Lalruatsanga’n tun MHL khelh mek a singles match a khelh tawha hneh loh la neilo leh Mizoram champion ni lai Lalmalsawma MVTTC chu straight setin a hnehin inkhel pumpuiah Bungkawn hian 4-1 in MVTTC chu an hneh ta a ni.

Mission Veng La Paloma vs Ramhlun Sporting Club

MHL Rubber hnuhnung zawkah MHL Table a pathumna Mission Veng La Paloma Leh pangana ni lai Ramhlun Sporting Club ten an khel a, Ramduhsanga, Mission veng Leh Francis Lalhruaipuia, Ramhlun te an intum hmasa ber a, Sangtea hian game 2 in hma a hruai hnu-ah Francisa’n a game thlak danglamin game 2 a la ve leh a, deciding match ah uihawm takin Francis-a a chak zo lo hlauh.

Sangtea hian Mission veng set 1 a hma a hruai puiin, Second singles ah Ramhlunin an inghahna leh zan hmasa lama Player of the Night lawmman la tu Isaa C Lalsawmliana an rawn thawhchhuah tira, Isaac-a hian Mission veng flat hitter tha F.Lalramdinliana chu 3-0 in a hneh.

Set dinhmun 1-1 a ni ta a, chak duh team 2 te hian Doubles khel turin an doubles duo neih that ber an rawn chhuah tir a, R.Lalsangzuala (Atea) Leh Lalzarzova, Ramhlun Leh Henry Laltanpuia leh Khamlianthang, Mission veng te tang dun chu an inkhel a, MSV duo te hian an naupang zawkna leh an vuak dikna chu chu dinchanpuiin Ramhlun lakah hian 3-0 in hnehna an chang.

Tihian Singles match hnih leh doubles match khat khelh zawh takah MSV in RSC lakah 2-1 a hma hruaiin Mission veng hian vawi 1 chak chiah an mamawh tawh.

3rd single ah Henry Laltanpuia, Mission veng leh Leh Lalzarzova, Ramhlun an in tum leh a, chak ngei ngei mamawh Ramhlun tan Zarzova hian 2-0 a hma a hruai hnu-ah Henry-a rawn comeback in deciding game ah pawh an in lehthal zak zak hnu –ah Henry-a hi 3-2 in a vannei ta zawk a ni.

Reverse singles-ah team chak chiang tawh Mission veng tan Ramduhsanga leh Isaac-a, Ramhlun te an inhmachhawn Leh a, Issac-a’n MHL kal leh zel tur atana, a chak hrim hrim a pawimawh zia hriain tha thlah lova tang tluanin Sangtea lakah 3-1 in hnehna a chang. Tihian rubber hnuhnung zawkah Mission Veng La Paloma chuan Ramhlun Sporting Club chu 3-2 in an hneh ta a ni.

Oil India MHL zan 8-na ah hian Doubles leh singles match a chak, khel tha em em Henry Laltanpuia, Mission Veng chu Players of the Night a thlan niin Pu Zosangliana, RTZ Enterprise neituin lawmman hi a hlan.