03 Jun 2020 10:25

bakteaJr.

Mizo tlangval

​Odisha-in Meher leh Antonay an lalut dawn

Indian Super League club Odisha FC chuan Indian Arrows player pahnih Saurabh Meher leh Hendry Antonay te an lalut dawn tih Goal chuan a tarlang.

Kum 20 mi Meher hi centre-back ah khel ber mahse wing back ang pawhin a khel theia, season liamta khan Arrows tan vawi 8 inlanin, a vaiin minute 648 a khel.

Kum 20 mi Antonay hi right back a ni a, ani hian season liamta khan I-League ah Arrows tan vawi 12 a inlana, Arrows-ah hian ISL club Chennaiyin FC atangin a khel.

Meher leh Antonay te hi Chennaiyin academy chhuak ve ve an ni a, India U17 tan an lo khel ve ve tawh thin bawk.

Odisha hi season thar atan an inbuatsaih zela, Mizo player pahnih Isak Vanlalruatfela leh Paul Ramfangzauva te chu Aizawl FC atang an lakluh tawh bakah Baoringdao Bodo pawh an lalut tawha, goalkeeper Kamaljit Sing chu Hyderabad FC atangin an lalut dawn bawk a ni.