India hmeichhe football team midfielder Grace Lalrampari Hauhnar chuan Odisha FC Women a zawm dawn.

Season liamta Indian Women's League (IWL)-ah khan Sethu FC tan a khel a, goal hnih khungin a kheltha thei hle. Gokulam Kerala FC-ah pawh khel tawh thinin IWL-ah an champion a, Tamil Nadu Women's League-ah pawh Best Midfielder niin Sethu a champion pui tawh bawk.

Grace hian Mizoram Women's League-ah pawh Vakiria FC tan a khel thin a, 2019 khan goal khung hnem ber niin Top Scorer award a dawng. Mizoram tan pawh vawi engemaw zat inlan tawhin tawnhriat a nei tha hle a, India tan pawh age level atanga senior team thlengin a khel tawh.

A club thar Odisha FC Women hi team in dinthar niin IWL-ah an tel dawn a, team tha tak din tumin an in lakhawm ve mek. Grace bakah hian Arifa Zaheer leh Pyari Xaxa-te pawh an lalut tawh a, an manager tur pawh Sethu enkawl thintu Crispin Chhetri a ni.