UFC women’s bantamweight champion hlui Miesha Tate chu hun eng emaw chen a chawlh hnuah a rawn kir a, a in fight chho deuh mawlh mawlh dawn niin a lang.

Kumin October thla ni 16-a UFC Fight Night neih turah Tate hian main event-ah Ketlen Vieira a hmachhawn dawn nia sawi a ni a, hei hi UFC chuan la puangzar lo mahse rintlak tura ngaih a ni.

Tate leh Vieira te hian inremna an nei vek tawh niin tarlan a ni a, UFC pawh hian official-a an puanzar har a rinawm tawh loh.

Kum 35 mi Tate hi kum nga chen MMA a chawlhsan hnuah thla hmasa mai khan a rawn kir a, hnehsawh takin Marion Reneau chu unanimous decision-in a hneh a, thla thum hnu velah a in fight leh nghal dawn niin a lang.

Tate hian kum 2016 khan Holly Holm hneh UFC women’s bantamweight title a hlawhchhuak a, mahse a hnu lawkah a title hi Amanda Nunes lakah hlohvin, Nunes hi tun thlengin a title chhuhsak thei an la awm leh lo.

MMA-a Tate hian 19-7 record a nei a, UFC bika a record hi 6-4 a ni. Kum 29 mi Brazilian fighter kum 29 Vieira hian MMA-ah record 11-2 neiin, UFC-ah 5-2 record a nei ve bawk a ni.

October thla ni 16-a neih tur UFC Fight Night lineup hriat theih tawh chin:

• Ketlen Vieira vs. Miesha Tate
• Ludovit Klein vs. Nate Landwehr
• Luana Carolina vs. Maryna Moroz
• Andrei Arlovski vs. Carlos Felipe
• Norma Dumont vs. Holly Holm
• Ariane Carnelossi vs. Istela Nunes
• Julian Marquez vs. Jordan Wright