02 Nov 2020 05:19

inkhel

Novak Djokovic aia chungnung an la awm lo

Novak Djokovic chuan kar hmasaah khan Vienna khawpuiah hneh lo nei mah se ATP ranking chhuak thar berah dinhmun chungnung ber a la luah tho a ni.

Roland Garros hnuah khan Novak Djokovic hi a inlan lo vang vang a, kar hmasaah khan Vienna, Austria ah a inkhel ve leh a. He tournament-ah hian Lorenzo Sonego a hneh lo a, heti chung hian ranking tharah a dinhmun a danglam phah ta chuang lo a ni.

Djokovic hian kar 293 chhung chu khawvela mipa tennis player tha ber nihna a hauh ve ta a, kar 310 chhung dinhmun chungnung ber luah thei Roger Federer a hnaih ve tial tial a ni.

Serbian tennis star Djokovic hian Grand Slam title vawi 17 a la tawh a, Pete Sampras-a record a nihrual thei tep tawh a, kumin kum tawpah dinhmun sang ber hi a la luah theih zel chuan kum tawp thlenga chungnung ber vawi 6 a ni thei dawn chiah a. Kum tawpah No. 1 hi a la nih theih ngei a rinawm viau a, a hnuai chiaha awm Rafael Nadal chu tun thlaah Sofia-ah a inlan theih hmel loh a ni.

Ranking tharah hian Dominic Thiem chu pathumnaah a awm a, Roger Federer chu palinaah a awm bawk a. A hnuaiah hian Daniil Medvedev, Stefanos Tsitsipas, Alexander Zverev, Andrey Rublev, Diego Schwartzman leh Matteo Berrettini te chu an awm a ni.

ATP rankings (November 2, 2020):

1. Novak Djokovic (SRB) 11,830 pts

2. Rafael Nadal (ESP) 9,850

3. Dominic Thiem (AUT) 9,125

4. Roger Federer (SUI) 6,630

5. Daniil Medvedev (RUS) 5,980 (+1)

6. Stefanos Tsitsipas (GRE) 5,925 (-1)

7. Alexander Zverev (GER) 5,015

8. Andrey Rublev (RUS) 3,839

9. Diego Schwartzman (ARG) 3,285

10. Matteo Berrettini (ITA) 3,075

11. Gael Monfils (FRA) 2,860

12. Denis Shapovalov (CAN) 2,830

13. Roberto Bautista (ESP) 2,710

14. David Goffin (BEL) 2,555

15. Pablo Carreno (ESP) 2,400

16. Fabio Fognini (ITA) 2,400

17. Milos Raonic (CAN) 2,265

18. Grigor Dimitrov (BUL) 2,260 (+2)

19. Karen Khachanov (RUS) 2,245 (-1)

20. Stan Wawrinka (SUI) 2,230 (-1)