Season liamta Championship champion Norwich City chuan an manager Daniel Farke-a contract chu kum li dangin an pawhsei saka, Farke-a a contract thar hian kum 2025 June thla thleng a daih a ni.

Farke hian kum 2017 khan Borussia Dortmund II chhuahsanin Norwich hi a enkawl tana, vawi hnih ngawt Norwich hi Premier League khel turin a inpet tlin pui tawh.

Farke-a rual hian assistant manager Eddie Riemer, head of performance Chris Domogalla leh first team coach Christopher John te chuan kum li daih contract thar an ziak vek bawk a ni.

German manager kum 44 mi Farke chuan contract thar a ziah chungchang sawiin, “Contract thar ka ziak thei hi ka lawm takzet zeta, club-in min rin ngam leh min thlawpna zawng zawng avangin sawi hleih theih loh khawpin ka lawm a ni.

“Heti ang level-a ka thawk zel thei tur hi a lawmawm ka ti hle a, he club hi club special tak an ni a, a neitu Delia leh Michael-te pawh hrawn an nuam hle. Stuart Webber-a chungah pawh lawmthu ka sawi duha, ani bakah hian ka staff leh player te leh kan supporter te chungah hian lawmthu ka sawi mawlh mawlh a ni,” a ti.