Northeast Futsal League 2019 chu August ni 25, Pathianni khan Nehru Stadium, Karmabir Nabin Bordoloi AC Stadium, Guwahati-ah khelh tan a ni. Opening ceremony hi match tan hma tlai dar 3:00-ah neih a ni ang. Hetah hian India pum huapa band lar tak Alobo Naga and the Band an inlan dawn a, NEFL anthem siamtu Six-String Production, Goa pawh an inlan bawk ang.

He league khel tur Mizoram club Mizo Falcons pawhin Guwahati thleng tawhin training pawh a hmunah a nei tan tawh a ni.

August ni 24, Inrinni tlai khan NELF Official Ball tlangzarhna leh press conference Hotel Atitha-ah neih a ni bawk.

Mizo Falcons hian August ni 26, Thawhtanni tlai dar 5:00-ah Manipur club, Apunba Manipur an hmachhawn ang. A hmuna en duhte tan ticket hi stadium pawnah a lei theih dawn a, online-a lei duhte tan Playnlive.com ah a lei theih bawk ang.

Inkhel zawng zawng hi League media partner LPS 10-ah LIVE-in a en theih ang. Tin, Facebook leh YouTube lamah Live Streaming neih a ni bawk ang.

Mizo Falcons Instagram leh Facebook page lamah chanchin hrechiang duh tan tlawh theih reng a ni bawk.

Mizo Player te

Goalkeeper : Zothanmawia

Defender: C. Lalrinsanga, Lalawmpuia (C)

Midfielder: P.C. Lalhruaitluanga, Jessica Pastor Carreno, Jenny VL Hmangaihsangi, Elizabeth Vanlalmawii, C. Lalruatsanga

Forwards: Alan Lalhriatpuia, Michael Okwudili

Coach : Zosangliana Khawlhring

Manager: Lalmuanawma

(adsbygoogle = window.adsbygoogle || []).push({});