North London Derby inkhel hmuhnawm takah mual neitu lam Arsenal chuan Tottenham lakah sihnih lai an phur hnuin an si phurh chu Alexandre Lacazette leh Pierre-Emerick Aubameyang te goal hmangin an si phurh an rawn rul a, point 1 ve ve ah an lungawi a ngai ta a ni.

Emirates Stadium-a inkhelah hian tun hnaia khualmual a hnehna chang theilo tak Tottenham lam hian bul an tan tha hle a, minute 10 lek an la khel tihin Christian Eriksen chuan Lamela shot, Leno lo save per chu goal-ah a chan tir in Spurs lam hma a rawn hruaipui nghal.

Tottenham lam bawkin goal hlauhawm nei leh in Son-a shot tha zet mai chu a aia tha in Arsenal goalkeeper Leno-an alo save sak a, Arsenal lam hian an si phur sut tumin Tottenham hi an nawr na hle bawk a ni.

Arsenal-in an siphurh an sut mai dawna a lan laiin penalty area chhungah Xhaka a chesual palh hlauh mai a, Son-a laka a foul avangin penalty chawiin Kane chuan Leno dan rual loh in an goal hnihna penlaty hmangin a thun zui a ni.

Si hnih lai an phurh tawh avangin Arsenal an che chhe zui mai dawnin a lang a, mahse a hun takah Lacazette rawn che in first half tawp dawn hun bek belhah chiang zet in an goal khatna a rawn thun a, Arsenal an phur thar hle.

Second half-ah team pahnih te hian goal hlauhawm an nei dun zak zak a, mahse goal thun mamawh zawk Arsenal hian game thunun zawk in goal thun theihna hun tha pawh an insiam hnem zawk a ni. Hun tawp dawn hnaih lam min 70-na ah Arsenal goal thun khawl Aubameyang a rawn lang leh ta a, goal zawn ah he inkhel a che tha em em Guendozi ball pet luh tha zet mai chu Aybameyang hian a ke hmanga tawk kawi zeuh in Lloris tan lo dan ngaihna a awmlo, Arsenal-in an siphurh an sut ta.

Arsenal lamin chak zawk nih tum viau mahse goal dang erawh an thun zui thei ta bik lova, Tottenham tan goal hnih ngawt an thun an venhim zawhloh chu a uiawm rualin si thum an phur lo kha vannei an intih viau a rinawm bawk a ni.

Tottenham hian season bul tan tha lo viauin lang mahse City leh Arsenal te khelmualah point an hlawhchhuak thei ve ve ta a, Arsenal hian game 4 khelhah point 7 hlawhchhuak ve tawh bawkin Liverpool leh Man City te champion tum in an in um chhoh leh a rinawm ta hle bawk a ni.

Arsenal 2-2 Tottenham

(Lacazette 45+1', Aubameyang 71') (Eriksen 10', Kane 40' pen)

Player Ratings

Arsenal: Leno 5, Maitlan-Niles 5, David Luiz 5, Sokratis 5, Kolasinac 6, Xhaka 4, Torreira 5, Guendouzi 7, Pepe 4, Lacazette 7, Aubameyang 6. Subs: Ceballos 6, Mkhitaryan 6.

Tottenham Hotspur: Loris 6, Sanchez 4, Alderweireld 6, Vertonghen 6, Rose 5, Sissoko 5, Winks 6, Lamela 5, Son 6, Eriksen 5, Kane 5. Subs: Alli 6, Lo Celso 6.