North East Olympic Games hmasa ber chu October ni 24-28, 2018 chhungin Imphal, Manipur-ah neih tur a ni a, he inelna hmachhawn turin Mizoram Team chuan October ni 22,  Thawhtan zan khan Aizawl an chhuahsan.

Mizoram contongent hi Mizoram Olympic Association Secretary General Pu C.Laltlanthanga chuan Hawla Indoor stadium, Republic vengthlang atangin a vai liam.

India hmarchhak huapah hian infiamna chi hrang 13-ah inelna a awm dawn a, chung zinga discipline 10- Archery, Boxing, Badminton, Judo, Karate, Weightlifting, Wushu-ah Mizoram an tel dawn a, an vaiin infiammi 121 an fehchhuak.

Mizoram team hi bus 4 leh sum 1 in an kal a. Joseph Thansanga, MSOA Joint Secretary chu Mizoram contingent Chef de Mission a ni a, NE Olympic-ah hian meeting leh tul dang buaipui turin Imphal-ah a awm tawh nghe nghe a ni.

Sawrkar laipuiin NE Games a tihtawp tak avangin North East Olympic Assn hruaitute in hmukhawm chuan hmarchhak huap inelna lian hi chhunzawm ngei an duh avangin leh infiammiten an hlawkpui ani tih hriain an buatsaih thar a. Vawiin hian Games \an a ni ang a, A kharnaah hian India Prime Minister Narendra Modi chu khual lian tura beisei a ni.

Mizoram aiawh an tel dan tur:

1. Archery -7

2. Badminton - 9

3. Boxing - 16

4. Judo - 12

5. Karate - 11

6. Shootin - 11

7. Taekwondo - 20

8. Table Tennis - 9

9. Weightlifting - 12

10. Wushu - 13

TOTAL - 121