MotoGP champion lo ni tawh kum 35 mi Nicky Hayden chu accident a tawh atanga ni nganah a boral ta.

American rider hi Italy-a Rimini luikama thirsakawr a khalh chu car nen an insu palh a, hliam na tak tuarin mu leh mal nei lovin damdawi in panpui a ni a, Maurizio Bufalini Hospital-ah ICU-a enkawl niin a chetsual atanga ni ngana; May ni 22 tlai khan a boral ta a ni.

Hayden hi May ni 14 khan Italy-a World Superbike Championship-ah a inlan a, a hming lam ringawt pawha MotoGP fans ngainat hlawh Nicky Hayden hi kum 2006 MotoGP World Champion a ni a, Motorsports khawvel chuan a ui hle a ni.

Kentucky-a piang Hayden hian kum 2003 khan MotoGP a luhchilh a, a kum hnihnaah World Championship-ah pathumna a ni a, a zawna kum 5 lai Rossi-a thuneihna chu kum 2006 khan Hayden hian rawn titawpin, Valencia-ah intlansiak tawpna ropui tak an nei a nih kha.

Khami season kha a HOT hle a, Rossi khan point 8-in Hayden lakah hma a hruai, a champion leh ngei dawn nia a lan laiin Valencia-ah khan Rossi chu a chesual hlauh a, tlanchhunzawm leh mahse 13-na a ni ta a, hetih lai hian Hayden chuan podium a chang chiah chiah a, point 5 -in a fal a, a champion ta a ni.

Source : bbc