Newcastle United shot stopper Nick Pope chu a kut zai a ngai dawn a, zai a ngaih dawn avang hian England squad atang pawhin a inhnukdawk fel tawh.

English goalkeeper hi a kut veilam zai a ni dawn a, hemi avang hian Premier League season khar nia Newcastle in Chelsea an mikhual hunah pawh Pope hian si ban a nghak thei dawn lo a ni.

Tun season-ah Newcastle hi an che tha hle a, top 4-ah season an khar dawn chiang tawh a, pathumna dinhmun an luah mek a, pathumnaah hian an awm tlang theih pawh a rinawm hle.

Newcastle chet thatna kawngah Pope hi a pawimawh hle a, tun season-ah Newcastle league game zawng zawngah a la inlan vek a, mahse an game hnuhnung berah a inlan thei dawn ta lo a ni.

Nikum khan Magpies hian kum 31 mi hi Burnley atangin an lei a, a manah pound maktaduai 10 sengin, an tifuh hle a, season khat mekah Pope hian Premier League-ah clean sheet vawi 14 a nei tawh.

Newcastle hian an goalkeeper hi a kut zai a ngaih avangin England squad atanga  a inhnuhdawh thu an puang tawh a, Pope hi a chawlh rih ngai dawn mah se, chawl rei lutuk lo tura ngaih a ni.