ME-SA Mobile Legends Tournament Season 2 kal mekah knockout playoff khelh chhoh ani tawh a, You Tube lamah live-a pekchhuah ziah niin entu pawh an thahnem thei hle.
Knockout stage-ah hian team 16 an lut a, Winners Bracket-ah team 8 (Group tina pakhatna) leh Lower Bracket-ah team 8 (Group tina pahnihna) an awm thung.
Ni 9/06/2021 khan knockout playoff hi Lower Bracket Tie-Breaker round hmangin hawn a ni a, match li awmin team paliin round sang zawk an lut a team pali an tla.
Knockout playoff khelh tan zana chakte hi Cosmos, Warriors of Lushai 1, Outlaws leh Miracle-te an ni.
Ni 10/06/2021 khan Winners Bracket te'n an khel ve leh a, match li awmin hemi zana chakte hian Winners Bracket next round an lut a, a chak lo team pali erawh chu Lower Bracket lamah an tla thla.
Winners Bracket khelh tan zana chakte - Khawnglungrun, Sofi E-Sports, Perplexity E-Sports leh Vixus.
Lower Bracket-a tla thlate - Warchasers, Zohunt, SentinalsX leh Warriors of Lushai 2.
Ni 11/06/2021 khan Lower Bracket khelh lehnghal niin team pali an chak a, team paliin tournament an mangtha a ngai ta thung.
Ni 11 zana chakte hi Warchasers, Warriors of Lushai 1, OT leh SentinalsX an ni a, chak zo ta lote hi Cosmos, Warriors of Lushai 2, Zohunt leh Miracle-te an ni.
Zanin (12/06/2021) hian Winners Bracket (WB) leh Lower Bracket (LB) an khel ve ve dawn a, match li a awm dawn a LB lam hian an khel hmasa ang.
Zanina intum turte:
Warchasers vs Warriors of Lushai 1 (LB)
OT vs SentinalsX (LB)
Khawnglungrun vs Sofi Esports (WB)
Perplexity Esports vs Vixus (WB)
Zan dar 7:30 atangin live tan a ni ang.
Grand Finale ni lo zawng round-ah hian Best of 3 hmangin chak zawk zawn ani a, Grand Finale-ah erawh Best of 5 ani thung amg.
ME-SA Mobile Legends Tournament Season 2-ah hian Team 118 lai an in ziaklut a, lawmman atan semral tur (prizepool) pawh ₹32,000 niin mimal chawimawina siam ani bawk.
HETIANG HI LAWMMAN AN SIAMDAN CHU A NI :
Champion - Rs. 20,000
Finalist/Pahnihna - Rs. 8,000
Pathumna - Rs. 4,000
Pawisa bakah hian e-certificate pekchhuah an ni ang.
MIMAL CHAWIMAWINA AN SIAMTE CHU :
Best Offlaner - ₹500
Best Mage - ₹500
Best Tank/Support - ₹ 500
Best Hyper - ₹500
MVP of the Tournament - ₹1,000
You Tube lama livestream chhimtute tan ME-SA viewers game siam a ni thin a. Quiz chhan tur awmin chhang dik hmasa berin ₹200 an dawng thin bawk. An live-na You Tube channel hming hi Sly Ralte a ni.