Colombia si khat faia an hneh loh tumin Neymar chu mawi lo takin a che a, inkhelh zawh hamrik ham zawh rualin Colombia player a pet per, Jeison Murillo a tauh chhunzawm bawk niin a lang a, Bacca chuan Neymar a nam nawk a, referee Enrique Osses chuan Neymar leh Bacca te hi direct red card a pe ve ve a.

Match hnih red card vanga hrem a nih bakah CONMEBOL Disciplinary Committee chuan match hnih dang a hrem belh leh a, Neymar-a tan Copa America a tawp ta. Kha a khawsak danah khan mi tam tak chuan Neymar thiam loh vek a ni bik lo nia sawi an awm a, Neymar tantu tam tak awm mahse hremna lian zawk an pek chhan tak chu referee zah lo taka a ankhum vang a nih hmel ta hle mai.

Neymar chuan khatia hnawhchhuah a nih hnuah khan tunnel-ah referee chu a lo nghal a,"Ka zara lar i tum ve a ni maw ? ui nu h*r fapa.." tiin a lo ko tih referee report chuan a tarlang.

Referee Enrique Osses chuan,"Min lo nghak a, tawngkam mawilo takin son of a b***h min ti a," tiin a sawi.

CONMEBOL Disciplinary Committee zing ami Aberto Lozada chuan referee report pekna zulzui atanga hremna hi rel a nih thu a sawi nghe nghe a ni.