Barcelona forward Neymar agent Wagbner Ribeiro chuan Neymar-a'n Barcelona a chhuahsan hman teuh hle tih sawiin PSG leh Manchester United chuan Neyamr hi an lalut tep tih a sawi tel bawk.

Messi leh Ronaldo tih loha Ballon d'Or dawng tur beiseiawm ber Neymar hi tun nipui khan chhuak tur anga sawi a ni fo a, PSG chuan khawvela footballer man to ber ni tura leichhuah an hreh lo nia tarlan a ni a, nimahsela Neymar-a'n Barcelona tana khelh chhunzawm thlangin Nou Camp-ah kum nga daih contract thar a ziak a nih kha.

Wagner Ribeiro chuan hemi chungchang hi ESPN Brasil hnehah sawiin, "PSG a zawm teuh hle a, kum khatah €40m zet a hlawh thei ang. Manchester United pawhin an lalut teuh hle a, niamhsela Barcelona tana hlawh tlem zawka khelh chhunzawm a thlang ta zawk a ni," tiin Neyamr-a'n Barcelona a chhuasan teuh hle tih a sawi.

Kum 24 chauh la nimahse khawvela footballer thiam ber pawl leh hming langsar ber pawl a ni. Khawvelin football thiam ram tia a hriat lar Brazil tan captain a ni a, ram tan goal 48 zet a khung tawh a, ani aia khung hnem hi player pali chiah an awm a, ram tana goal khung hnem ber Pele record goal 77 hi a khum ngei rin a ni.