25 Aug 2015 05:56

Zaua NicoGaitan

Neymar-a chungchangah Barcelona President a tawngchhuak

Barcelona president Josep Maria Bartomeu chuan an forward Neymar chu Barcelona-a a hun tawp thleng hmang turin an duh thu a sawi.

Neymar hi Manchester United nen sawizawm mek niin United hian £240m laiin lakluh an tum dawn niin an sawi a, hetihlai hian Barcelona lam hian Neymar hi chhuahtir an tum lo hle bawk a ni

Neymar chungchangah hian Barcelona President hi tawng chhuakin, "Neymar hi hralh kan duh lova, player naupang tak ala ni a, kan club ah hian a hun tawp thleng hmang se kan duh a ni.

"Tun atanga hun reilote ah a contract pawhsei chungchangah indawrna kan neihpui ang a, kum 3 daih vel lek a pawhsei pui kan tum lova, kum 10 daih emaw thleng te pawh contract thar kan ziahpui maithei a ni" tiin a sawi.

Kum 2013-a Santos atanga Barcelona a zawm hnu hian nasa takin Neymar hian hma a sawn a, Messi, Suarez te nen inkawp in Europe a hmatawng inkawp fuh leh hlauhawmber a sawi an ni mek a ni.