Newcastle United chuan Spanish second-tier club Malaga atanga Antonio Cordero an lak luh thu an puang.

Kum 18 mi hi Spain Under 19 international a ni a, Malaga-ah a contract a zo dawn a, free agent-in an in lalut ta a ni.

Antonio Cordero hi Barcelona leh Real Madrid te pawhin an ngaihven a, hetih lai hian Premier League club a thlang ta a ni.

Registration leh work permit tihfel a la ni lo a, Newcastle United tana a inziah luh tak tak hnuah loan-a a chhuah leh rin a ni.

"He hmuna ka awm thei hi ka tan chuan chawimawina a ni a, ka lawm kher mai. Thil tum sang tak ka nei a, khawvela hmun tha ber pakhatah eng vangin nge ka kal loh teh lul ang?

"Ka nunah bung thar kai ka duh a, chu chu he hmuna ka rawn thlen chhan hi a ni. Ka hlim em em a, hmasawn zel ka duh a ni," tiin Antonio Cordero chuan a sawi.