Saudi Arabia lam sumin an thlawp, Premier League club Newcastle United lei tum tu Public Investmen Fund, PCP Capital Partners leh Reuben Brothers te chu Newcastle lei an tumna atangin an inhnukdawk.

PIF, PCP leh Reuben Brothers tangkawp te hian sum an ngah hle a, Newcastle hi Premier League-a hausa ber rawn ni mai tura ngaih an nih laiin, an inhnukdawk leh ta zawk.

PIF, PCP leh Reuben Brothers-te hian Newcastle chu pound maktaduai 300-a lei turin an inrem vek tawha, mahse Premier League’s owners’ leh directors’ lam atangin eng uluk taka zir chian a ni a, hemi chungchangah hian dawhtheihna an neih tawh loh vanga inhnukdawk an ni.

Anni hian Newcastle lei an tumna atanga an inhnuhdawh a ngai hi pawi an tih thu an sawia, coronavirus avangin khawvel a la kal mumal lo bawk nena, hei hi an inhnuhdawh chhan pakhat a nih thu an sawi bawk.

Newcastle fans-te tan chuan thu lawmawm loh tawpkhawk a ni a, season khelh zawh takah khan an team hi 13-na niin, beiseina sang tak nen season thar an thlir mek laiin an beiseina a thamral ta rih a ni.