Newcastle-in Carver leh Stones an ban.

10th June 2015, 05:06AM

Newcastle United chuan an manager lailawk John Carver leh an coach Steve Stone-te an ban.

Kum 50 mi Carver hian Alan Pardew hmunruak hnawhkhatin Magpies hi tun season tawp dawn hnaih khan a enkawl tan a, game 20-ah kaihruai hmanin game thumah chauh a chakpui a Premier League atangin an tla teuh hle bawk.

Newcastle manager thar tur hian England leh Derby manager hlui Steve McClaren rin ber a ni a, season tawp hma deuh khan vawihnih lai an sawm chlawhchham tawh a Derby enkawl zui zel a duh tih a sawi.

Mahse Rams hian Championship play-off khel tura an club a hruai thlen loh vangin McClaren hi season tawpah an ban ta tho va tunah hian chawlh hmangin a awm mek.

Copyright © inkhel.com 2024. All rights reserved.