18 Jul 2019 01:06

bakteaJr.

Mizo tlangval

​New York emaw Cardiff-ah Ruiz leh AJ rematch kan hmu dawn

Thla hmasa mai khan British heavyweight boxer Anthony Joshua leh Andy Ruiz-te chu an inhneka, rin loh zawk Ruiz hian AJ hi a hneha, Ruiz hian AJ-a heavyweight title kawl lai zawng zawng a chhuhsak.

An contract-a an ziah lawk sa hmang tangkaiin AJ hian Ruiz hi a cho lehnghala, kumin chhung ngeiin AJ vs Ruiz rematch kan hmu dawn.

AJ hian Ruiz-a lakah a IBF, WBA leh WBO world heavyweight title-te a hloh va, AJ hian kumin chhung ngeiin a title kawl thinte hi neih let leh a tum mek.

Rematch an neih hun tur hi la chiang lo mahse kumin kum tawpah erawh a ni ngei dawn a, Cardiff emaw New York khawpuiah a ni dawn.

New York-ah hian AJ vs Ruiz rematch hi neih a nih chuan November ni 29-ah Madison Square Garden-ah a ni dawn a, Cardiff-ah an inhnek dawn a nih chuan December ni 14-ah Principality Stadium-ah a ni ang.

Khawpui dang pahnih, an hming puanzar loh te pawhin he rematch ngaihven hlawh tak hi an thleng duh niin sawi a ni a, mahse New York-ah emaw Cardiff-ah a ni dawn a ni.

An inhnek hmasak tum hi Madison Square Garden-ah a ni a, hei hi AJ-a’n USA-a fight a neih hmasak ber a ni nghe nghe a, hemi avang hian AJ chuan Madison Square Garden-ah ngei rematch hi neih a duh niin sawi a ni.