NetSurf Dota II Championship chu tluang takin July ni 3 zan khan zawh fel theih a ni ta a. Chhun lamah Lower Bracket Final khelh niin Shades Gaming leh Sunset Assassins ten Final luh an in chuh, Shades Gaming te an ding chang zawk a. Sunset Assassin te vanduai mahse Tournament-ah Pathumna ni in 10K INR Cheque an dawng ta tho a ni. A chak zawk Shades Gaming leh Main Event Final lut tawh sa Monster Love te chuan zan lamah Main Event final an khel ta a.

Match hi Best of 5 a khelh niin Round 4 lai mipui te mit ti tlai khawpin inkhel hmuhnawm min chhawp chhuahsak hnuah Monster Love lam ten Round 3 lain, 3-1 in hnehna an chang ta a ni. Shades Gaming te chu Pahnihna niin 20K INR Cheque an dawng a, Monster Love erawh Netsurf Dota 2 Season 1 Champions niin Vanguard Trophy leh 50K INR Cheque an dawng ta a ni.

Netsurf Dota 2 Championship-ah hian team 41 lai an tel a, player 271 an inziak lut a ni. June ni 8, 2015 atang khan tan niin, Tournament LAN Events hi July ni 1, 2015 zan atang khan Chanmari Y.M.A Hall-ah khelh tan a ni a, a zan khatna atangin kal an thahnem nghal hle a, Final zanah phei chuan Hall khat thap E-Sports fans an pungkhawm hial a ni. Nu leh pa thenkhat te’n an fate inkhel tawi awmin, audience zingah nu leh pa an awm nual khan a hlawhtling zia leh an fate tui zawng a support an pek zia a tilang chiang hle.

Final zan hian Lungmuana chuan Tournament Theme song ‘I’m on a Rampage’ hmangin ropui takin mipui kal khawmte awiin, Cos-Play te kan hmu kual leh thei bawk a, mit a tlai hle a, engmah ninawm a awm hman lo a ni. Mipui te hmuh turin Game hi LIVE-in Projector-a Display a ni a, Commentary thiam takin pek a ni leh zel bawk nen. Thawm a tha ham ham khawp mai, khatiang tak khan E-Sports vanga Zoram thalaite ring tak taka au tuar tuarna a tam lo khawp mai. Mipui kal khawm te thalai rual ni mahse a thalai lo deuh te pawhin an kham loh thu an sawi ve hlawm bawk a ni.

Tournament zawhah Prize Distribution neih a ni chhunzawm nghal a, Player of the Tournament-ah Monster Love Player Zualtea thlan a ni a. Ani hian Dragon War Gaming Keyboard leh Mouse a dawng a ni. Supporter of the match-ah Monster Love player tho Laldinpuia Dipee thlan a ni a, ani hian Dragon War Gaming Mouse leh Mouse Pad a dawng bawk. Mipui kal khawm Dota 2 khel te an ID leh ID number khawn a ni a, thum vawr neih anih hnuah Chhassvawpherh chuan vanneihna changin Arcana a dawng ta a ni. LAN Events bik match tinah Player of the Match leh Supporter of the Match te thlan an ni thin a. Anni hian Karleh lam ah Netsurf Office-ah Arcana items an tam thei dawn a ni.

MONSTER LOVE

Team Members

	NAME	STEAM	DOTA 2
1	Donna Lalnunsangzeli	PolliPoP	171002164
2	Lalchhandama	chodee	110335626
3	Laldinpuia	Dipee	54687365
4	Lalmuansanga	Penguin	109874004
5	Lalringzuala	Maka Albarn	63066022
6	Zothanzuala	Zualtea	76561198028079957
7	Lalromawia	ryota	266066424

Tournament LAN events neih chhung hian Mizoram Mixed Martial Arts pawl (MISMA) ten Security lam hna an thawk , ruitheihthil ti emaw buaina siam emaw, tumah report emaw man tur emaw pawh an awm lo. E-Sports fans pungkhawm an fakawm hle mai, buaina, harsatna leh mit tikhawm zawnga che tumah an awm lova, Event ropui tak neih a nih theih nan E-Sports fans ten an thawh hlawk hle.

Tournament khelh chhunga khel tha te chu Netsurf leh Mizo Dota 2 Community te chuan player an team a khel turin an scout ve zel bawk a. Heng player khel turte hi karleh lamah hian puanzar tum a ni a, heng player-te tan hi contract peka National level mai pawh ni loin, International level players ni tura chher an tum nghe nghe a ni.

Netsurf Dota 2 Championship 2015