Neto-a season a tawp

13th April 2021, 07:04AM

Premier League club Wolves forward Pedro Neto chu a khup hliam avangin tun season-ah a inkhel thei tawh dawn lo.

Kar hmasa khan Wolves-in Premier League inkhelah Fulham an hneh tumin, kum 21 mi Neto hi a inhliama, first half pawh a khel tluan thei lo.

Wolves chuan an forward hian a khup a tihnat thu leh, tunkar tawp lama zai a nih tur thu an puanga, season a zo hnai ve tan nen Neto tan tun season-a inkhelh leh hman ngaihna a awm tawh rih lo.

Neto hi a vanduai hle a, hetianga season tawp lama a inhliama, zai a nih dawn avang hian, June ni 11 atanga khelh tan tur Eruo-ah pawh Portugal tan a inlan theih a rinawm loh.

Wolves striker Raul Jimenez chu a inhliam sa meka, Neto bakah hian Wolves chuan an full-back Jonny chu zai a nih dawn bawk thu an tarlanga, an midfielder kum 24 mi Ruben Neves chu COVID-19 a positive thu leh a inkhunghran mek thu an tarlang bawk a ni.

Nimin lam khan Premier League chuan player leh staff 2,940 an test zingah mi pahnih positive thar an hmuh thu an puanga, heta positive pahnih zinga pakhat hi Neves a ni.

Copyright © inkhel.com 2024. All rights reserved.