Rangers manager Steven Gerrard chuan a manager pui Neil Lennon-a’n Celtic manager a nihna a bansan chu mak a tih loh thu a sawi.

Vawiin khan Lennon hian Celtic manager a nihna atanga a ban thu a puanga, assistant manager John Kennedy chua Celtic hi a enkawl lailawk rih dawn.

Celtic hi Scottish Premiership-ah champion lai ni mahse, an nomawi an humhim thei dawnin a lang tawh lova, league hmahruai mektu leh an hmelma lian ber ni bawk Rangers chu point 18 laiin an pha tawh lova, Rangers hian champion turin point 7 bak an mamawh tawh lo.

Lennon hian a hma pawhin Celtic hi a lo enkawl tawha, Brendan Rodgers-a’n kum 2019 February thlaa Leicester a zawm khan Celtic chuan Lennon hi an ruai leh.

Gerrard chuan Lennon ban chungchang zawhna chhangin, “An club-a thil thleng enin a bang hi mak ka ti lo. Keichuan hetiang a thlen hian lawmna tur pakhat mah ka nei lova, Neil mai ni lovin, manager tu pawhin an hna an chan hian pawi ka ti vek. Chuvang chuan a kal zelna turah duhsakna ka hlan a ni,” a ti.