Hei zet chu Need for Speed fans tan chuan thu lawmawm tak a va ni chiang tak em. Nikum khan Need for Speed thar tlangzarh a ni lo. A hnuhnung ber chu November ni 15, 2013-a an tlangzarh Need for Speed : Rivals kha a ni.

Kumin kum tawp lam hian Need for Speed thar 'Full Reboot' chu PS4, Xbox leh PC -a khelh turin tlangzarh a ni dawn ta tih Need for Speed game siamtu Ghost Games te chuan an puang chhuak.

Need for Speed series engemaw zat a chhuak tawh a, tunah chuan a kalphung hi a ngai deuh chho ta niin fans lamin an sawisel nasa. Ghost Game manager Marcus Nilsson chuan nikuma game thar an siam loh nachhan sawiin,

"Hun kan mamawh a ni, Need for Speed thar tur atan rilru nasa takin kan seng a, fans lam ngaihdan te kan ngaithla a, kuminah hi chuan a rawn dang zar tawh dawn. Underground ngaina tak tak kan lo la tam a, chumi zulzui chuan open-world, day-to-night race nuam tak tak a awm thei dawn. Kan ngaihpawimawh ber chu a thawnthu a ni e, a thawnthu ngaihnawm tak a awm dawn a ni," tiin a sawi.

Nikum khan EA chuan Need for Speed tlangzarh tur nei lo mahse Movie lamah Need for Speed hi siam a ni a, Scott Waugh chuan Need for Speed Movie hmuhnawm pangai tak a siam chhuak, en a hlawh ve hle a, amaherawh chu mipui lamin rate an pe sang em em lem lo. Chutih laiin Game leh movie hetia an hai kaikawp hian nasa takin a vawrh chho zel a, Full Reboot hi chuan Gaming market a tilun leh ngei dawn niin a lang.