25 Mar 2019 04:17

inkhel

​NECS Cup Semifinal First Leg-ah Republic Veng leh Lengpui an chak

NECS Cup 2019 Inter Village Football Tournament chu March ni 25, Thawhtanni AR Lammualah semifinal first leg khelh a ni a, Republic Veng leh Lengpui an chak. Semifinal second leg hi March ni 27, Nilaini chawhma dar 11:00-ah Armed Veng leh Lengpui ten an khel hmasa ang a, chawhnu dar 1:00-ah Ramhlun South leh Republic Veng ten an khel leh ang.

11:00 AM Ramhlun South 0-1 Republic Veng

(Lalhriatpuia 87')

Semifinal first leg inkhel hmasa zawk Republic Veng chuan si khat faiin Ramhlun South an hneh. Goal awm chhun hi second half-a lut a ni a, huntawp dawn minute 3 ala awmin Republic Veng tan F Lalrinpuia (Valpuia) ball pek fing zet chu Lalhriatpuia chuan box-ah lalutin chiang zetin a chakna goal hi a khung a ni.

01:00 PM Lengpui 1-0 Armed Veng

(Lalrokima 45')

Inkhel hnuhnungah Lengpui chuan sikhat faiin Armed Veng an hneh. Goal awmchhun hi first half huntawp dawn injury time-a lut a ni a, Lengpui tan mual dinglam sir a tang a Lalchhanchhuaha ball vawrh luh tha zet chu box chhunga awm Lalrokima chuan chiang zetin a pet goal a, an chakna goal a ni zui ta a ni.

(adsbygoogle = window.adsbygoogle || []).push({});