NECS Cup Round of 16 lut a hriat ta

13th March 2019, 10:03PM

 NECS Cup 2019 Inter Village Football Tournament chu March ni 13, Nilaini khan AR Lammualah knockout round khelh zawh a ni a, inkhel vawi thum awmin inkhel hmasa ber Chanmari West chuan 3-0 a Seling hnehin round of 16 an lut. Chanmari West tan Lalremmawia chuan goal hnih a khung a, H.Lalnunzira chuan goal khat a khung bawk.

Inkhel vawihnihnaah Mission Vengthlang leh Khatla te hun pangngaiah goal hnih ve ve a lut a luh hnuah penalty shootout-in chak zawk zawn a ni a, Khatla chuan 5-4 a hnehna changin round of 16 an lut ve bawk.

Inkhel hnuhnung berah Tualbung 2 - 5 Chanmari chuan 5-2 a Tualbung hnehin round of 16 an lut ve bawk. Chanmari tan Lalnunzama chhan hattrick a siam a, Michael Lalhruaitluanga leh Lalhminghlua chuan goal khat ve ve an khung. Tualbung tan Lalnunzira leh K.Lallura chuan goal khat ve ve an khung.

Round of 16 intum tur pawhna hi March ni 15, Zirtawpni zanah Chanmari YMA hall-ah neih tur a ni a, team official te zan dar 7:30-ah kim vek tur a ni a, dar 8:00-ah programe tan a ni ang.

Round of 16 lut te

1.Hualngohmun VC 2.Bethlehem Vengthlang LC 3.Chite LC, 4.Hlimen CC 5.Ramhlun South LC 6.Armed Veng LC 7.Kanan LC n8.Venghlui LC, 9.Chhinga Veng LC 10.Republic Veng LC 11.Lengpui VC 12.Armed Veng South LC 13.Bawngkawn LC 14. Chanmari West 15. Khatla 16. Chanmari

March ni 13, Nilaini AR Ground Results

10:00 AM Chanmari West 3 - 0 Seling

(Lalremmawia 39', 80', H.Lalnunzira 50')

12:00 PM Mission Vengthlang 2 - 2 Khatla

(Khatla Win 5-4 Penalty)

(Zosangzuala 11', Lallawmsanga 39') (Moses Lalrinzuala 36', ZD Remruatsanga 53')

02:00 PM Tualbung 2 - 5 Chanmari

(Lalnunzira 2', K.Lallura 79') (Lalnunzama 2', 40', 76', Michael Lalhruaitluanga 8', Lalhminghlua 18')

Copyright © inkhel.com 2024. All rights reserved.