NECS Cup 2019 Inter Village Football Tournament chu March ni 16, Inrinni khan AR Lammualah round of 16 khelh tan a ni a, inkhel vawi hnih awmin Ramhlun South leh Chhinga Veng chuan an khingpui ve ve hnehin quarterfinal an lut.

Quarterfinal luh inchuh inkhel hmasa zawk Ramhlun South leh Venghlui te hun pangngaiah goal lut lo a an inhneh tawk hnuin extra time khel leh a ni a, goal lut lo a anla inhneh tawk leh a vangin penalty shootout-in chak zawn a ni a,  Ramhlun South chuan 4-3 in hnehna an chang ta a ni.

Inkhel hnuhnungah Chhinga Veng chuan 6-1 a Kanan hnehin quarterfinal an lut bawk. Chhinga Veng tan Joel Lalmuanpuia leh Rochharzela leh Isaac Lalremruata te chuan goal hnih theih an khung a, Kanan tan R Swapna chuan goal khat a khung ve bawk.

March 18, Thawhtanniah Round of 16 khelh chhunzawm leh tur a ni a, inkhel vawihnih a awm ang inkhel hmasa zawk chawhma dar 11:00-ah Chite leh Hualngohmun ten an khel ang a, chawhnu dar 1:00-ah Republic Veng leh Bawngkawn ten an khel leh ang.

March ni16, Inrinni AR Ground Round of 16 Results
11:00 AM ️ Ramhlun South 0 - 0 Venghlui_*
(Ramhlun South Win 4-3 Penalty)

01:30 PM Kanan 1 - 6 Chhinga Veng
(R.Swapna 33') (Joel Lalmuanpuia 16', 79', Rochharzela 34', 67', Isaac Lalremruata 47', 80')

March ni 18, Thawhtanni Fixtures
11:00 AM Chite Veng Vrs Hualngohmun
01:00 PM Republic Veng Vrs Bawngkawn