NECS Cup 2019 Inter Village Football Tournament chu March ni 19, Thawhlehni khan AR Lammualah round of 16 khelh chhunzawm a ni a, inkhel vawi hnih awmin Chanmari leh Armed Veng chuan an khingpui ve ve hnehin quarterfinal an lut.

March ni 20, Nilainiah Round of 16 khelh chhumzawm leh a ni ang a, Quarterfinal lut a hriat kim tawh ang. Chawhma dar 11:00-ah Lengpui leh Khatla ten an khel ang a, chawhnu dar 01:00-ah Armed Veng South leh Chanmari West ten an khel leh ang.

Quarterfinal lut tawh te:
1.Ramhlun South 2. Chhinga Veng 3. Hualngohmun 4. Republic Veng 5. Chanmari 6. Armed Veng

Quarterfinal luh inchuh inkhel hmasa zawk Chanmari chuan 3-1 a Hlimen hnehin quarterfinal an lut. Chanmari tan Lalnunzama chuan hattrick a siam a, Hlimen tan Lalsawmzela chuan goal khat a khung ve bawk.

First half-ah Chanmari tan Lalnunzama'n goal hmahruai a khung chu Hlimen tan Lalsawmzela chuan an siphurh a rul a, second half-ah Chanmari tan Lalnunzama chuan goal hnih khung a belh leh a, Hlimen chuan an siphurh hi an sut thei tawh lo a, Chanmari chuan 3-1 in hnehna an chang ta a ni.

Inkhel hnuhnungah Armed Veng chuan sikhat faiin Bethlehem Vengthlang an hneh a, quarterfinal an lut ve bawk. Goal awm chhun hi second half huntawp dawn minute 10 ala awmin Lalfakzuala chuan a khung a ni.

March ni 19, Thawhlehnii Results
11:00 AM Chanmari 3 - 1 Hlimen
Lalnunzama 12', 55', 76') (Lalsawmzela 17')

01:00 PM Bethlehem Vengthlang 0 - 1 Armed Veng
(Lalfakzuala 80')

️ 

(adsbygoogle = window.adsbygoogle || []).push({});