NECS Cup 2019 Inter Village Football Tournament chu March ni 18, Thawhtanni khan AR Lammualah round of 16 khelh chhunzawm a ni a, inkhel vawi hnih awmin Hualngohmun leh Republic Veng chuan an khingpui ve ve hnehin quarterfinal an lut.
March ni 19, Thawhlehni Round of 16 khelh chhumzawm leh a ni ang a, chawhma dar 11:00-ah Chanmari leh Hlimen te an inkhel ang a, chawhnu dar 01:00-ah Bethlehem Vengthlang leh Armed Veng an in khel bawk ang.
Quarterfinal lut tawh te:
1. Ramhlun South 2. Chhinga Veng 3. Hualngohmun 4. Republic Veng
Quarterfinal luh inchuh inkhel hmasa zawk Hualngohmun chuan sikhat faiin Chite Veng an hneh a, quarterfinal an lut. Goal awm chhun hi first halt tan a tang a, minute 36-ah Hualngohmun tan Lalnunhlua chuan a khung a ni.
Inkhel hnuhnungah Republic Veng chuan 3-2 a Bawngkawn hnehin quarterfinal an lut ve bawk.
First half-ah Republic Veng tan Malsawmdawngliana'n goal hmahruai a khung chu Bawngkawm tan Lalremruata chuan an siphurh a rul a, first huntawp dawnah Bawngkawn tan H. Lalmuankima chuan an goal hnihna khungin Bawngkawn chuan 2-1 in hmahruai mahse, Second half-ah Republic Veng tan F Lalrinpuia leh Malsawmdawngliana chuan goal khat ve ve an khung belh leh a, Republic Veng chuan 3-2 in hnehna an chang ta zawk a ni.
March ni 18, Thawhtanni Results
11:00 AM Chite Veng 0 - 1 Hualngohmun
(Lalnunhlua 36')
01:30 PM Republic Veng 3 - 2 Bawngkawn
(Malsawmdawngliana 17', 65', F.Lalrinpuia 49) (Lalremruata 27', H.Lalmuankima 43')