NECS Cup 2019 Inter Village Football Tournament chu March ni 20, Nilaini khan AR Lammualah round of 16 khelh zawh a ni a, inkhel vawi hnih awmin Lengpui leh Chanmari West chuan an khingpui ve ve an hneh a, quarterfinal lut a hriat kim ta a ni.

Quarterfinal lut te
1. Ramhlun South 2. Chhinga Veng 3. Hualngohmun 4. Republic Veng 5. Chanmari 6. Armed Veng 7. Lengpui 8. Chanmari West

March ni 22, Zirtawpniah Quarterfinal khelh tan tur a ni a, inkhel vawi hnih a awm ang a, chawhma dar 11:00-ah Hualngohmun leh Republic Veng ten an khel ang a, chawhnu dar 1:00-ah Ramhlun South leh Chhinga Veng ten an khel leh ang.

11:00 AM ️ Lengpui 1 - 0 Khatla
(Joe Zoherliana 4')

Quarterfinal luh inchuh inkhel hmasa zawk Lengpui chuan sikhat fai aKhatla hnehin quarterfinal an lut. Goal awm chhun hi first half tan a tang a minute 4-na lekah Lengpui tan Joe Zohera khung a ni.

01:00 PM Armed Veng South 1 - 2 Chanmari West
(Lalnunsanga 78') (H.Lalnunzira 52', 75')

Inkhel hnuhnungah Chanmari West chuan 2-1 a Armed Veng South hnehin quarterfinal an lut ve leh bawk. Chanmari West tan H Lalnunzira chuan goal hnih a khung a, Armed Veng South tan Lalnunsanga chuan goal khat a khung ve bawk.

Goal lut te hi second half-a lut vek an ni a, second half tan a tang a minute 7-ah Chanmari West tan Lalnunzira chuan goal hmahruai a khung a, minute 75-ah Lalnunzira bawk chuan an goal hnihna a khung hnu minute 3 aral leh hmain Armed Veng South tan Lalnunsanga chuan an siphurh sut then mahse, goal dang erawh huntawp thlengin an khung thei tawh lo a, Chanmari West chuan 2-1 in hnehna an chang ta a ni.

(adsbygoogle = window.adsbygoogle || []).push({});