​NECS Cup Final-ah Armed Veng leh Republic Veng

27th March 2019, 10:03PM

NECS Cup 2019 Inter Village Football Tournament chu March ni 27, Nilaini khan AR Lammualah semifinal second leg khelh a ni a, Armed Veng leh Republic Veng chuan an khingpui ve ve hnehin final an lut ta a ni. Final hi March ni 29, Zirtawpni chawhnu dar 2:00-ah khelh a ni ang

Final luh inchhuh Inkhel hmasa zawk Lengpui leh Armed Veng te first leg-ah Lengpui chuan 1-0 in hneh tawh mahse, second leg hunpangngaiah  Armed Veng chuan an siphurh an sut zo vek. First half-ah Lengpui tan Lalrokima chuan goal hmahruai a khung chu second half-ah Armed Veng tan Lalbiakhlua leh Lalfakzuala chuan an siphurh a sut. Hunpangngaiah 2-2 in an inhneh tawk.

Extra time khelh chhunzawm a ni a, Armed Veng tan Zoramthara chuan an hmahruaina goal a khung chu huntawp dawnah Lengpui tan F. Lalremsanga chuan an siphurh a rul a, chakzawk awmlo in 3-3 in an inhneh tawk. Penalty shout-out-in chak zawk zawn a ni a, Armed Veng chuan vanneihna changin 5-3 in anhneh a, final an lut ta zawk a ni.

Inkhel hnuhnung zawk Ramhlun South leh Republic Veng te first leg-ah Republic Veng chuan 1-0 in hnehna an chang tawh a, second leg hunpangngaiah 2-2 in inhneh tawk mahse, aggregate-ah Republic Veng chuan 3-2 a hnehna changin final an lut.

Goal lut te hi first half leh second half-a lut an ni a, first half-ah Ramhlun South tan 31-ah Lalthlamuana chuan an hmahruaina goal khung mahse, second half tan a tang a, minute 53-ah Republic Veng tan Lalhriatpuia chuan an siphurh a rul a, huntawp dawn minute 8 ala awmin Republic Veng tan F Lalrinpuia (Valpuia) chuan an goal hnihna a khung chu injury time-ah Ramhlun South Lalremruata chuan an siphurh rul a, hunatawp zui ta a ni. First leg-ah Republic Veng chuan 1-0 a anhneh tawh avangin Aggregate-ah Republic Veng chuan 3-2 in hnehna an chang ta zawk a ni.

March ni 27, Nilaini Semifinal second leg Results

11:00-ah Armed Veng 3-2 Lengpui

(Penalty Win 5-3 Armed Veng)

(Lalbiakhlua 49',(P) Lalfakzuala 60', B Zoramthara 113') (Lalrokima 7', F. Lalremsanga 119')

01:00 PM Ramhlun South 2-2 Republic Veng

(Lalthlamuana 31', Lalremruata 90') (Lalhriatpuia 53', F Lalrinpuia 82')

Final March ni 29, Zirtawpni Fixtures

02:00 PM Armed Veng vs Republic Veng

(adsbygoogle = window.adsbygoogle || []).push({});

Copyright © inkhel.com 2024. All rights reserved.