​NECS Cup 2020 Kickoff a ni

06th March 2020, 03:03AM

NECS Cup 2020 chu March ni 5, Ningani zan khan Chanmari YMA Hall-ah pet hawnna (kick off) neih a ni a, khual lian Pu Lalruatkima, Hon'ble Minister of State, Rural Development chuan a kickoff a ni. ADFA hruaitu te bakahTeam tel zawng zawng leh Player bakah Coaching Staff te an kal kim hle.

Programe tan hmain team tel zawng zawng te leh Coaching staff te manager meet neih a ni a, tournament atan tul sawi hona neih a ni. Manager Meet hi VL Rinpuia, Org. Secretary in a kaihhruai a, Tournament Rules & Regulation inhrilh hriatna neih a ni a, zawhna leh chhanna hun hman a ni bawk.

Khual lian Pu Lalruatkima, Hon'ble Minister of State, Rural Development chuan NECS Cup ahlawhtlin theih nana sum thawhtu NECS te hnenah lawm thu a sawi a, Mizoram thlaite thinlung luahtu hi football a ni. Football-ah mizoramin hma kan sawn zia chu kan hre theuh a, tunah hian I League AFC Club kan nei hi hmasawna anih thu a sawi bawk.

Association hrang hrang te hmalakna zarah thalai professional player kan nei te hi mizo hnam chawimawina a ni. Thawkrimte thawhrimna te, mi inphal te zarah thalai talent nei tha te pho chhuak ila, hnam puanzar i chawisang zel ang u atiin NECS Cup khel tur zawng zawng te duhsakna a hlan vek bawk.

Kumin NECS Cup-ah hian team 58 inziak lut an awm a, March ni 11, Nilainiah khelh tan tur a ni. First Round leh second round hi Ramhlun Sports Complex-ah neih tur a ni a, Round of 16 atangin intum tur hi pawh that tur a ni.

Kickoff hun hi Sally Hrahsel chuan thiam takin a kaihruai a, Kimkima zai mawi tak ngaihthlak a ni bawk. Prof. F. Lalnunmawia, President, ADFA chuan inlawmna thu sawiin NECS Cup tel tur VC leh Local Council team te bakah player te inpeknaah te, NECS Cup organising committee te hmalaknaah lawmawm a tih thu a sawi.

Pu Vanlalrawna, Sr.Vice President, ADFA chuan thusawiin inhmel hriattirna anei a, "Kum danga kan neih ngai loh Kuminah manager meet kan nei thei hi alawmawm hle a, player te leh coaching staff te meeting a anrawn kal a lawmawm hle a ni a ti. Tun tum NECS Cup-ah hian Players ten mahni vote neihnaah chiah an khel thei dawn a ni. Player check hi kum dang aiin uluk zawka kalpui tur a ni bawk. Mi inphal te zarah tournament khel theia kan awmhi zar zo tuah tan tum theuh ang u" a ti.

Vanlalfelpuia Royte, Chairman T.T. Royte Group chuan "Mizo player ten hma ansawn nasa hle a, Inter Village football tournament pawh hi tun aia uar zawka kalpui theih nise a ti. ADFA nen thawh hona thuthlung kan siam hi alawmawm a, NECS hian thalai te ruihlo lakah an fihlim zel theih nan leh talent nei tha pho chhuah annih zel theih nan hma ala zel dawn a ni. Sports-ah thalai ten tun aia nasa zawka hmalam pan turin tan ila ang u" a ti.

March ni 11, Nilaini Fixtures Ramhlun Sport Complex Field

09:30 AM Sesawng VC vs North Lungleng VC

11:00 AM Ramhlun Vengthar LC vs Falkawn VC

12:30 PM Tuikual North LC vs Darlawn VC

02: 00 PM Vaivakawn LC vs Muallungthu VC

(adsbygoogle = window.adsbygoogle || []).push({});

Copyright © inkhel.com 2024. All rights reserved.