NE Zone Santosh Trophy Qualifier chu February 18, Ningani khan AR Lammualah khelh tan a ni a, a ni khat niah hian match hnih awmin, Assam leh Meghalaya te chuan an khingpui an hneh ve ve a ni. February 19, Zirtawpni chawhnu dar 2:00 PM-ah Mizoram leh Manipur ten an khel ang a, Mizoram leh Manipur-te hi India hmarchhak atanga Santosh Trophy-a lo champion tawh an ni.
Group A-ah Mizoram, Arunachal pradesh leh Manipur nen an awm a, Arunachal pradesh hi an tel theih tak loh avangin, Manipur leh Mizoram hian vawi hnih an khel dawn ta a ni. Group B-ah Assam, Meghalaya, Nagaland leh Tripura an awm a, group hnih atanga a sang ber ve ve ten final round an khel dawn a ni.
Assam 2-0 Nagaland
(Sibra Nazary 60', Rahul das 75')
Red card Nabin Rabha minute 77 Assam
Assam XI: Nihal Das, Subhaksan Rabha, Sishuram Chutia, Maneswar Mushahary, Kapil KR Daimari, Dwimalu Brahma, Mandila Rongmei, Rahul Das, Sibra Narzary, Nabin Rabha, Jwangbla Braahma
Nagaland XI :Sentiyanger Pongen, Taliakun Pongen, Sanyam Konyak, Olando Yimchunger, Atun Konyak, Lalaureiyang, Medoneituo Sekhose, Limakumzuk, Rhitsho Mero, Imlongchaba Chang
Vawiin inkhel hmasa zawkah Assam chuan sihnih faiin Nagaland an hneh a, tun tuma team tha ber pakhat Assam hian point 3 hlu tak an hlawh chhuak nghal Goal lutte hi Sibra Narzary leh Rahul Dass ten second half a an thun a ni. Group B atanga final round khelh beiseiawm ber Assam el pha tura ngaih Meghalaya hi NE State zinga club football-a thleng sangber an ni bawk.
Meghalaya 4-0 Tripura
(Vinicil Darlong 50', Teiborlang Siangshai 68', Bansharai Sun 74', Samson Songrum 90+2')
Meghalaya XI: Padam Chettri, Vincil Darlong, Brolington Walarpih, Bowara Khongsita, Dapbor Bareh, Fillmoon Mukhim, TeiborlangSiangshai, Victor Shadap, Dibinroy Nongspung, Timmy Ryngkhlem, Bansharai Sun
Tripura XI: Kaoshik Bhoumik, Badal Debbarma, Diva Jamatia, Biswajit Dep, Ananta Bijoy Jamatia, Bir Narayan Jamatia, Zed Liana Darlong, Arjit Singha Barua, Chinmoy Sarkar, Suraj Bahadur Gurung, Rajib Sadhan Jamatia
Inkhel hnuhnung zawk hi dar 2:00 PM-ah tan a ni a, Meghalaya chuan sili faiin an khingpui Tripura an hneh. Goal lutte hi second half a lut vek a ni bawk. Meghalaya tan Vinicil Darlong, Teiborlang Siangshai, Bansharai Sun leh Samson Songrum ten goal khat theuh an khung a ni. Meghalaya leh Assam inhmachhawn hun a nghahhlehawm hle mai.
19, February, 2016 (Zirtawpni) Fixtures:
02:00 PM Mizoram Vs Manipur