07 Feb 2019 10:10

inkhel

NE Zone Santosh Trophy: Mizoram team te an inbuatsaih nasa hle

Mizoram Football Association (MFA) chuan National Football Championship for Santosh Trophy North East Zone Qualifying Round chu February 11-16, 2019 chhungin Aizawlah a thleng dawn a, Mizoram team pawh inelna hmachhawn turin an inbuatsaih nasa tawh hle a, Mizoram hian an match hmasa ber February ni 13, Nilainiah Tripura an hmachhawn ang.

India rama state leh state football inelna sang berah hian India hmarchhaka state pasarihte an intihsiak dawn a, group hnihah then an niin group-a a sang ber ve vein final round an lut ang.

Mizoram hi Group A-ah Meghalaya leh Tripura nen an awm a, Group B-ah Manipur, Assam, Arunachal Pradesh leh Nagaland-te an awm thung.

Santosh Trophy danah hian player 20 thlan chhuah tur an ni a, chung zinga panga chu kum 21 hnuai lam an ni tur a ni. Tun tumah hian Mizoram Police FC te All India Police Meet-ah an zin chhuah avangin player koh tel an ni rih lo.

Mizoram team te

Hming/ Club/ Khua/Veng

Goalkeepers

1. T Zothanmawia, Chhinga Veng FC, College Veng

2. PS Lallawmzuala, Dinthar FC, Republic Veng

Defenders

1. Immanuel HS Lalthazuala, Chanmari FC, Bawngkawn

2. Lalmuanawma, Chanmari FC, Champhai

3. Vanlalzuidika, Chhinga Veng FC, Lunglei

4. PC Laldinpuia, Chhinga Veng FC, Samthang

5. Lalrammawia, Chhinga Veng FC, Sawleng

6. Lalchhuanmawia, Chhinga Veng FC U 18, Kawrtethawveng

Midfielders

1. K Roluahpuia, Chawnpui FC, Khawruhlian

2. Thasiama, Chanmari FC, Dawrpui

3. KC Lalrchhuakmawia, Chanmari FC, Cherhlun

4. Lalmuansanga, Chhinga Veng FC, West Phaileng

5. Lalrimawia, Chhinga Veng FC, Samlukhai

6. F Zosangliana, Chhinga Veng FC, Tlangsam

7.Ramhlunchhunga, Chhinga Veng FC, Kolasib

Forwards

1. Vanlalbiaa Chhangte, Chanmari FC, Hriangtlang

2. David Laltlansanga, Chawnpui FC, Chawnpui

3. MC Malsawmzuala, Chanmari FC, Siaha

4. MS Dawngliana, Chhinga Veng FC, Bawngkawn

5.Lalliansanga, Ramhlun North FC, Durtlang

Manager - Lalruatsanga Tochhawng, Finance Secretary, MFA

Assistant Manager - Lalremruata, Chhinga Veng FC

Coach - Lalsangzuala Hmar, Chhinga Veng FC

Assistant Coach - Anand Gurung, Chhinga Veng FC