19 Sep 2020 12:09

bakteaJr.

Mizo tlangval

NBA: Western Conference Final Game 1-ah Lakers an chak

Basketball ngaina tu ten a an hmuh chak Western Conference Final Game 1 chu khelh a ni ta a, Los Angeles Lakers leh Denver Nuggets ten game hmuhnawm tak an chhawp chhuak. 

LA Lakers hian kumin kum tir lam khan Lakers legend Kobe Bryant leh a fanu Gianna Bryant te helicopter chesualah an chan a, Lakers fans leh organisation tan chuan channa nasa tak a ni.  Amaherawhchu he an channa hian champion duhna thinlung a let tam takin a pe kan ti thei ang. Chu chuan rah tha chhuahin Western team lamah top seed an ni thei a ni. 

LA Lakers lam hian playoffs leh conference final ah hian experience an nei tha zawk a. Lebron James hian playoffs career-ah vawi 164 hnehna a chang tawh a, Denver Nuggets lam hian vawi 76 chiah an chang thunga, mimal ang zawng a khaikhin pawhin Nuggets hi experience nei lo zawk an ni. 

Lakers hian Lebron James bakah Anthony Davis an kawl a, anni pahnih inkawp hi 2019-20 season ah chuan a tha ber kan ti thei ang. Chutih rual chuan Lakers hian tunlai player tha Alex Caruso, Kyle Kuzma te bakah, NBA champion lo ni tawh Javale McGee, Danny Green leh JR Smith te an kawl bakah sawi hmaih theih loh veteran point guard, ball thiam em em mai Rajon Rondo an la kawl bawk. 

Nuggets lam hi enhniam ngawt chi erawh an ni hauh lo. Season khata playoffs series a 3-1 a an hnufual hnu a, 3-4 a a zawna hnehna chang leh thei awm chhun an ni nghe nghe. Player en hian Lebron James te anga superstar han tih tur an kawl lem lo a, amaherawhchu team work tha an ni tih erawh playoffs ah hian kan hmu chiang a ni. Jamal Murray leh Nikola Jokic te inkawp hi an hmuhnawm em em a, Nuggets team ah hian Conference final khel tawh hi pakhat chiah awmin Paul Millsap chiah a ni. 

Experience nei lo zawk an nihna erawh Nuggets hian tihlan kher an tum bik hauh lo; Game an khel tana, rin ang ngeiin experience nei tha zawk team Lakers chu khel tha zawk ni  mahse, Nuggets lam hian chuti mai a chakloh an tum bik hauh lo. 

Lebron James hi Lakers ah hian PG anga a khelh avangin ball a chang hnem in a mah check tu tan pawh fimkhur a ngai hle a, beisei ang ngeiin Anthony Davis in superstar a nih zia a pholang nghal a, thlirtu te hmuhnawm tih tur play pui tak tak a chhawpchhuak a ni. 

Mahse 1st quarter an zawh chuan mak tak mai in Jamal Murray a buzzer beat chhawrin,  Nuggets lam hian 38-36 in hma an hruai tlat mai. 2nd quarter an han khel tan leh chiaha, veteran PG Rajon Rondo in thluak a neih that zia a pholang tana, entu te din suauna tur khawp ang chi assist a rawn nei chho tan. Amaherawhchu Covid 19 avanga entu mipui an awm theih loh avangin boruak hot tak tur a awm thei lo a ni. 2nd quarter ah hian 21-34 in Lakers in hma an hruai. 

Chawlhlawk an hmanga, 3rd quarter an khel leh tan a, a ngai ang bawk in Lakers lam an chungnung chhunzawm a,  experience nei tha zawk  an nihna an hmang tangkai a, veteran center Dwight Howard a khel tha hle. Nuggets center Ball sem thiam tak Jokic, The Joker tia hriat lar in foul a neih tam avang in court ah a thian te ball sem sak tur in a awm thei lova, bench lam a luahlum angai. 3rd quarter a zawh hian 20-33 in Lakers in an score tam leh zawk a ni. Nuggets hi 3rd quarter specialist tia sawi thin niin point 13 leh 17 a an hniam zawk laia an pawhthlak theihna hi 3rd quarter  ni mahse tun tum game 1 ah chuan an ti hleithei lo a ni ber.

4th quarter an khel tan leh chiah erawh Nuggets lamin thapui an thawha, an  score chho deuh mawlh mawlha,  Lakers lamin basket an nei hleithei ta lo. Mahse,  an lead-na a tam deuh tawh avangin pawhthlak mai erawh an harsa thung. Lebron James leh Anthony Davis te in kawp an dang hlei thei lo a ni bera, chutih lai in shooter tha Danny Green, Kentavious Caldwell Pope leh Kyle Kuzma te a hun takah an rawn lut ve thin bawk.  4th quarter-ah hian Nuggets lam an che tha zawka,  35-23 in an score hnem zawk ve ta thung a ni. 

Lakers hian 114-126 in hnehna an changa, Lakers tan hian Anthony Davis in 37pts/ 10Reb/ 4ast a nei a, Lebron James hian 15pts/6reb/12ast a nei bawk.. Veteran center khel tam lutuk lo Dwight Howard pawhin 13pts a nei bawk. Nuggets lamah Jamal Murray 21pts, Nikola Jokic 21pts, Michael Porter Jr 14pts/ 10reb/4ast. te chu a che tha zual an ni.

Basketball a pawi em em kan tih, 'turnovers' chu Nuggets hian 16 lai an nei a, Lakers hian 11 an nei thung. Shooter nei tha zawk Lakers in 42% 3pts an nih laiin Nuggets lam hi 34% a ni thung. Assist hi lakers hian vawi 33 an nei a, Nuggets hian vawi 23 an neia a tlangpuia khaikhin chuan Lakers hi an chungnung zawk kan ti thei. 

Game 1-ah hnehna an chan avang hian Lakers hi thlamuang ngawt thei an ni hauh lo. Nuggets lam hi 3-1 a an chakloh hnuaa 4-3 a vawi 2 comeback thei an ni tih erawh kan hriat a ngaia, game 6 khelh tur la awm ah hian chak zawk tur ala chiang lo. Mahse a tam zawk chuan squad enin LA Lakers hi chak zawk tur ah an dah deuh vek a rinawma, Kobe Bryant avang pawhin champion an tum ngei ang le. Lakers hian awlsam takin hnehna an chang chho zel dawn nge? Nuggets hian game paln dang nen hnehna an chang leh dawn tih chu game 6 la awmah hian a hriat dawn a ni.