NBA team thenkhat chuan an team hming an lo thlak nasa ve hle a, team hming thlak tawh dan thenkhat te han tarlang ila.

1. Philadelphia 76ers hi a tirah tak chuan Syracuse Nationals tih an ni a, 1946 ah an indin a, Syracuse Nationals tih hming hi 1963 thleng an pu a, 1964 atanga tun thlengin Philadelphia 76ers tih hi an pu chho leh ta a ni.

2. Washington Wizards hian an hming an thlak hnem tawh hle a. 1961 khan an indin tan a, Chicago Packers an inti a, hemi hming hi 1961 leh 1962 ah an pu a. 1962-63 ah Chicago Zephyrs an inti leh a, 1963-1973 chhungin Baltimore Bullets tiin an thlak leh a, 1973-1974 khan Capital Bullets tiin an phuah tha leh a, 1974-1997 chhung khan Washington Bullets inti lehin 1997 atanga tun thlengin Washington Wizards an inti leh ta a ni.

3. L.A. Clippers pawh hian 1970 a an indin tirh chuan Buffalo Braves tiin an hming an phuah a, hei hi 1978 thlengin an hmang a. 1978-1984 chhung khan San Diego Clippers tiin an thlak leh a, 1984 atanga tun thlengin L.A. Clippers hi an hmang a ni.

4. Oklahoma City Thunder hian an din tirh, 1967 atangin Seattle Supersonics tih hming an hmang ngar ngar a, 2008 atang khan an hming hi Oklahoma City Thunder tiin an thlak leh a ni.

5. New Orleans Pelicans hi 2002 khan an din tan a, an hming hmasa ber chu New Orleans Hornets niin, hemi hming hi 2002-2005 bakah 2007-2013 te khan an hmang a. New Orleans/Oklahoma City Hornets tin chu 2005-2007 chhung an hmang bawk a, New Orleans Pelicans tih hi 2013 atang khan an la hmang a ni.

6. Charlotte Hornets pawh hi 1988 khan an indin tan a, an indin kum atanga 2002 thlengin Charlotte Hornets tih hming hi an pu a, mahse 2004 atanga 2014 chhung khan Charlotte Bobcats tiin an hming hi an tidanglam leh a, 2014 atanga tun thlengin an hming pangngai Charlotte Hornets tih hi an hmang leh a ni.