12 Feb 2020 04:02

inkhel

NBA team hlu ber New York Knicks

New York Knicks chu tun hnaia Forbes in an zir chiannaah NBA team zinga hlutna sang ber an ni.

Forbes chuan NBA team hrang hrangte hlut zawng chu an chhut a, chawh rualin team tinte hlutna hi $2 billion vel bawr angin an chhut a, tun hnai kum 10 chhunga team te hlutna pun dan hi 600% vel zet niin an sawi.

Tun hnaia an chhut dan chuan New York Knicks chu $4.6 billion vel zeta hlu an ni a, nikum aiin an hlutna hi 15% zetin a pung chho a. Pahnihnaa awm Los Angeles Lakers hlutna chu $4.4 billion niin, pathumnaa awm Golden State Warriors hlutna chu $4.3 billion a ni.

Palinaah hian Chicago chu awmin an hlutna nia an sawi chu $3.2 billion a ni a, panganaah $3.1 billion a hlu Boston an awm bawk a. LA Clippers chu parukna niin, an hlutna hi $2.6 billion a ni a, Brooklyn chu pasarihna niin, an hlutna hi $2.5 billion a ni.

Houston chu pariatnaah an awm a, an hlutna chu $2.475 billion a ni a, Dallas chu pakuana niin, an hlutna chu $2.4 billion a ni a, sawmnaah hian Toronto an awm a, an hlutna chu $2.1 billion a ni.

NBA team zingah hian team panga chauh chu $1.5 billion aia hlu lo an awm a, hengte hi Detroit ($1.45 billion), Orlando ($1.43 billion), Minnesota ($1.375 billion), New Orleans ($1.35 billion) leh Memphis ($1.3 billion) te an ni.

Season liam taa NBA team 30 te sum lak luh zat chu Forbes hian an chhut a, belh khawmin $8.8 billion vel niin an sawi a, tun season-ah phei chuan team zawng zawng sum lak luh belh khawm hi $9 billion aia tam ni tura chhut a ni.