10 Dec 2015 04:39

Inkhel

Mizo Sports Website hmasa ber

​NBA records leh statistics Part- 2

1. Game khata steal ngah ber- Larry Kenon, San Antonio Spurs tana khel thin hian December 26, 1976 khan Kansas City Kings an khelh tumin steal vawi 11 lai a nei thei a ni. Kendall Gill, New Jersey Nets tana khel thin pawh hian April 3, 1999 khan Miami Heat an khelh tumin steal 11 tho a nei bawk.

2. Quarter khata steal ngah ber- Fat Lever, Denver Nuggets tana khel thin hian March 9, 1985 khan Indiana Pacers an khelh tumin quarter khatah steal vawi 8 zet a nei.

3. Game khata blocks ngah ber- Los Angeles Lakers tana khel thin Elmore Smith chuan October 28, 1973 khan game khatah blocks vawi 17 teh meuh mai a nei a ni.

4. Quarter khata block ngah ber- A hnuai player tarlan te hian quarter khatah Block vawi 8 theuh an nei thei a ni.

Manute Bol, Washington Bullets

Dikembe Mutombo, Philadelphia 76ers

Erick Dampier, Golden State Warriors

5. Game khata turnovers ngah ber- John Drew, Atlanta Hawks (March 1, 1978) leh Jason Kidd, Phoenix Suns(November 17, 2000)-te chuan game khatah turnovers vawi 14 lai an nei a ni.

6. NBA history-a points score hnem ber- Kareem Abdul-Jabbar niin points 38,387 zet a score thei a, Kareem hian Milwaukee Bucks leh Los Angeles Lakers tan a khel thin a ni.

7. NBA history-a game khel hnem ber- Robert Parish niin game 1611 lai a khel hman a ni.

8. NBA history-a game khel zawn rei ber- A.C. Green niin he mihang tlangval hian game 1192 chhung zet a khel zawn a ni. Los Angeles Lakers, Phoenix Suns, Dallas Mavericks, Los Angeles Lakers leh Miami Heat tan a khel kual a ni.

9. Points per game average sang ber- Michael Jordan niin Chicago Bulls Legend hian game tin points 30.12 score ziah ang a ni.

10. Points 30 chuang score thei ngun ber- Michael Jordan tho niin Jordan hian game 562-ah 30 points chuang score-na a nei a ni. A NBA career-ah points 32,292 zet score-in score hnem ber palina a ni.

11. Points 60 chuang score thei ngun ber- Wilt Chamberlain niin points 60 chuang score-na game 32 teh meuh a nei thei a ni.

12. Points 50 chuang score thei zing ber- Chamberlain tho niin, vawi 118 lai points 50 chuang score-na game 118 a nei a ni.

13. NBA history-a Assit ngah ber- John Stockton niin Utah Jazz point guard hian assist 15,806 lai a nei hman a ni. Utah Jazz tan hian 1984 atanga 2004 thleng khan a khel a ni.

14. NBA history-a Blocks ngah ber- Houston Rockets leh Toronto Raptors tana khel thin Hakeem Olajuwon niin NBA-a a khelh chhungin blocks 3,830 lai a nei a ni.

15. NBA history-a triple-doubles ngah ber- Oscar Robertson niin he mihang tlangval hian NBA-ah triple-doubles 181 ngawt a nei a ni.

16. NBA history-a triples-doubles nei zawn rei ber- Kum 1968 khan Wilt Chamberlain hian game 9 chhung zet triple double game a nei a ni.

17. NBA history-a game khata points 50 chuang score thei naupang ber- Brandon Jennings niin Milwaukee Bucks tana a khelh laiin November 14, 2009 khan kum 20 leh ni 52 leka upa a nihin points 55 tehmeuh a score a ni. Jennings hian 1st quarter-ah point khatmah score lovin 2nd quarter atanga score tan chauh a ni.

18. NBA history-a game khata points 50 chuang score thei upa ber- Michael Jordan niin Washington Wizards tana a khelh laiin Charlotte Hornets lakah kum 38 leh ni 315-a upa a nihin points 51 a score a ni.

19. NBA game start thei naupang ber- Kobe Bryant niin Lakers Legend hian kum 18 leh ni 158 a upa a nihin NBA game a start tawh a ni. A ropuizia hretu vek kan ni e.

20. NBA game khel thei naupang ber- Andrew Bynum niin kum 18 leh ni 6 a upa a nihin NBA-ah a khel tawh a ni.

Written By : Nicky Lalrinsanga