Basketball hi tunlai thangtharte game khelh nasat ber pawl a ni a, Kan incheina thlengin min nghawng. Thiante nena titinaah sawi tur hriat ve i duh chuan chhiar chhuak rawh.
1. Game khata points score hnem ber- Wilt Chamberlain niin kum 1962, March 2 khan Philadelphia Warriors tana a khelh laiin New York Knicks lakah points 100 teh meuh mai a score a ni.
2. Half khata points score hnem ber- Wilt Chamberlain tho niin Knicks nen an inkhelh tumin first half-ah points 59 a score hman a ni.
3. Quarter khata points score hnem ber- Klay Thompson niin Golden States Warrior Shooting Guard hian january 23, 2015 khan Sacramento Kings an khelh tumin 3rd quarter-ah points 37 teh meuh a score thei a ni.
4. Field goals miss hnem ber- Kobe Bryant niin November 7, 2002 khan Boston Celtics an khelh tumin he record duhawm lo zet hi a siam a ni.
8. Quarter khata Field goals nei hnem ber- David Thompson leh Klay Thompson-te hian Field goals 13 lai quarter khatah an nei thei a ni. Pafa an ni lo a nia aw.
9. Score miah loa Field goals attempts hnem ber- Kum 1991, December ni 27 khan Golden State Warriors Point Guard Tim Hardaway-a'n Minnesota Timberwolves an hmachhawn tumin attempts 17 zet neiin vawikhatmah a score lo a ni.
10. Game khata 3 points nei tam ber- January ni 7, 2003 khan Kobe Bryant-a'n Seattle SuperSonics lakah 3 points vawi 12 teh meuh mai a score thei a ni.
11.Quarter khata 3 points nei tam ber- January ni 23, 2015 khan Klay Thompson chuan Sacramento Kings lakah 3 points vawi 9 a nei hman a ni.
12. Game khata free throw attempt tam ber- Orlando Magic tana a khelh laiin Dwight Howard-a'n free throw vawi 39 lai Golden State Warriors lakah a nei a ni.
13. Quarter khata free throw score hnem ber- Vince Carter niin New Jersey Nets tana a khelh laiin December 23, 2005 khan Miami Heat lakah free throw vawi 16 lai quarter khatah a score a ni.
14. Game khata rebounds ngah ber- Wilt Chamberlain niin he mihang tlangval hian kum 1960, November ni 24 khan Boston Celtics an khelh tumin rebounds 55 teh meuha a nei a ni.
15. Quarter khata rebounds ngah ber- Nate Thurmond niin San Francisco Warriors Centre hian Baltimore Bullets an tum tum February ni 28, 1965 khan rebounds 18 a nei thei a ni.
16. Game khata assist ngah ber- Scott Skiles hian Orlando Magic tana a khel laiin December ni 30, 1990 khan Denver Nuggets lakah assist vawi 30 a nei thei a ni.
written by Nicky Lalrinsanga