Toronto Raptors, Boston Celtics leh New Orleans Pelicans te chuan NBA Conference Playoff-ah 2-0 theuhin hma an hruai a, best-of-seven series-ah an dinhmun a tha chho hle.
DeMar DeRozan chu Raptors in 130-119 a Washington Wizards an hnehnaah a tangkai hle a, Toronto Raptors hian playoff series-ah 2-0 a hma an hruai hmasak ber a ni.
Al Horford chuan point 16 a score bakah rebound 5 a la a, Boston Celtics chuan Milwaukee Bucks chu 120-106 in an hneh theih phah a ni.
Western Conference lamah Jrue Holiday chu a che tha hle a, New Orleans Pelicans chuan Portland Trail Blazers chu an hneh theih phah a. Holiday hian point 33 a score a, Anthony Davis pawhin point 22 a score ve bawk.
Toronto-ah DeRozan chuan point 37 zet a score a, Jonas Valanciunas pawhin point 19 a score bakah rebound 14 a la a. Kyle Lowry chuan point 13 a score a, assist 12 a nei bawk a ni.
Raptors tan CJ Miles chuan point 18 a score a, Delon Wright pawhin point 11 a score bawk a, Serge Ibaka chuan point 10 a score ve bawk.
Eastern Conference Playoff-ah Indiana Pacers chuan Cleveland Cavaliers lakah hma an hruai a, Philadelphia 76ers leh Miami Heat te erawh 1-1 in an la inhnehtawk a.
Western Conference lamah Houston Rockets chuan 1-0 in Minnesota Timberwolves lakah hma an hruai a, Utah Jazz chuan Oklahoma Thunder chu 0-1 in an um mek bawk a. Golden State Warriors chu San Antonio Spurs nen vawi hnih inkhel tawhin Warriors hian 2-0 in hma an la hruai.
Playoffs Results:
April 14
Golden State Warriors 113-92 San Antonio Spurs
Toronto Raptors 114-106 Washington Wizards
Philadelphia 76ers 130-103 Miami Heat
Portland Trail Blazers 95-97 New Orleans Pelicans
April 15
Boston Celtics 113-107 Milwaukee Bucks
Cleveland Cavaliers 98-80 Indiana Pacers
Oklahoma City Thunder 116-108 Utah Jazz
Houston Rockets 104-101 Minnesota Timberwolves
April 16
Philadelphia 76ers 103-113 Miami Heat
Golden State Warriors 116-101 San Antonio Spurs
April 17
Toronto Raptors 130-119 Washington Wizards
Boston Celtics 120-106 Milwaukee Bucks
Portland Trailblazers 102-111 New Orleans Pelicans