29 Apr 2019 12:08

inkhel

​NBA Playoffs: Champion lai Warriors in Rockets an hneh; Celtic-in Bucks an hneh bawk

NBA Playoffs Semi Final khelh tan a ni a, Western Conference game 1-ah Houston Rockets chu champion lai Golden State Warriors lakah an tlawma, Warriors chuan he series-ah hian 1-0 in hma an hruai.

Eastern Conference lamah Boston Celtics chuan Milwakee Bucks chu an hneh ve bawka, Celtics hian 1-0 in he series-ah hian hma an hruai ve bawk.

Western Conference: HoustonRockets 100 - 104 Golden State Warriors

He inkhelah hian Kevin Durant a langsar hle a, point 35 lai Durant hian a score. Warriors tan Stephen Curry leh Klay Thompson-te chu an ke rek la dam chiang lo chungin an khela, Curry hian point 18 score-in Thompson hian point 13 a score bawk. Curry leh Thompson bakah hian Andre Iguodala leh Draymond Green-te chuan point 14 an score ve ve bawka, 1-0 in Warriors chuan hma an hruai ta phawt a ni.

Houston tan James Harden chuan thawhhlawkin point 35 lai a score ve bawk a, Eric Gordon chuan point 27 score-in Chris Paul chuan point 17 a nei ve bawka, an team an chakpui zo lo.

Eastern Conference: Boston Celtics 112 - 90 Milwakee Bucks

He inkhelah hian Celtics tan Kyrie Irving leh Al Horford-te an langsar a, 112-90 in an team an chakpui. Irving hian point 26 score-in assist 11 a nei bawk a, Horford chuan point 2 score in rebound vawi 11 a lak bakah shot pathum a block bawk. Celtics defence a khawng hle a Bucks ‘star’ player Giannis Antetokounmpo an dang chat hneh hle.

Bucks tan Giannis a langsar ber tho va, point 22 score in round pariat lai a la bawk a, mahse Giannis a chet that hian Bucks hi Celtics lakah point 20 vel laiin an hnufual tawh a ni.