15 Apr 2020 10:38

bakteaJr.

Mizo tlangval

​NBA player Towns-a nu COVID-19 vangin a boral

NBA player Karl-Anthony Towns-a nu Jacquelin-i chu coronavirus a kai atanga thla khat leh tlem a liam hnuah a boral.

Minnesota Timberwolves centre Towns hian thla hmasa khan social media-ah video dah chhuakin, hetah hian a nu chu COVID-19 a positive thu a sawia, midang pawh fimkhur turin a chah.

Towns-a nu Jacquelin-i hi kum 58 mi niin Thawhtanni khan a borala, hun eng emaw chen nikhaw hre lovin a awm hman a ni.

Timberwolves chuan Towns-a nu boral chungchangah thuchhuah siam nghalin, “Kum li liamta atang khan Jackie kan hmelhriat hi kan vannei em em a, kan chhungkaw zingah a rawn tel. Karl-a fan ruhkawl a nih angin Jackie hian engtik lai pawhin Karl-a hi a rawn support renga, kan zavaiin kan ngainat phah em em a ni,” a ti.