NBA chu July thla ni 30-a khelh chhunzawm tum a nih angin, inbuatsaihna a kal meka, COVID-19 test runpui neiin, positive an awm nual

Thawhlehni kalta khan NBA player 302 te chu test an ni a, an zinga 16 te chu an positive.

Player 16 positive te hi inkhung hran tir nghal an ni a, physician lamin phalna a pek hma chu training an zawm thei dawn lo.

NBA hi Disney World Resort-ah khelh chhunzawm a ni dawna, July thla ni 1 atang hian mimal work-out an nei tan phal niin, team-te hi Disney World Resort-ah hian July 7-ah an thleng khawm ang.

Training camp hi July ni 9 atanga July ni 29 thlenga neih tur a ni.

Western Conference team 13 leh Eastern Conference team 9 te chuan game riat khelh play-off khel thei tur an zawng dawna a, team 22 te hi Florida-a awm, Disney World Resort-ah hian an khawsa rih dawna, inkhel zawng zawng te entu mipui awm lova khelh a ni dawn.