Los Angeles Lakers chuan NBA play-off khelh mekah Portland Trail Blazers an hneh a, 2012 hnua post-season a an chak leh hmasak ber a ni.
Orlando, Florida a Western Conference play-off an khelhah hian Los Angeles Lakers chuan 111-88 in Portland Trail Blazers hi an hneh a, heti hian vawi khat ve ve an chak tawh a, 1-1 a ni ta chiah a ni.
Anthony Davis chuan Lakers tan hian point 31 a score a, an team-ah chuan point score hnem ber niin, Portland star player Damian Lillard chu a inti na a, a kut zungtang a tina a, heti chung hian game three-ah chuan a tel leh theih a rinawm a ni.
Eastern Conference play-off an khelhah Milwaukee Bucks chuan Orlando Magic an hneh ve bawk a, anni pawh hi 1-1 in an la inhnehtawk mek a, he inkhelah hian Bucks hian 111-96 in Magic hi an hneh a ni.
Season liam taa MVP Giannis Antetokounmpo chuan he inkhelah hian point 28 a score a, Bucks tan rebound 20 lain, he inkhela rebound la hnem ber a ni.
Miami Heat chuan Eastern Conference play-off round one series dangah Indiana Pacers chu 109-100 in an hneh bawk a, best-of-seven intihsiakah hian Heat chuan 2-0 in hma an hruai ta a ni
Western Conference lamah James Harden chuan Houston Rockets a chakpui a, Rockets hi Oklahoma City Thunder nen an inkhel a, Harden te hi 111-98 in an chak a, anni pawh hi vawi hnih an chak ta a ni.