14 Jan 2016 07:27

inkhel

NBA History a player sang Top 5

National Basketball Association hi Basketball khawvela inelna hautak ber a ni ngei ang. Basketballer te tak an vang hle, nimahsela heng a hnuaia kan tarlan te hi chu an sang fal hle kan ti thei ang. 


1. Gheorghe Mureșan (7 ft 7 in)

He Romanian Basketballer chawl ta hi a sang tih piah lam a ni. 7 ft 7 Inches zeta sang a ni hem mai. Kum 1993 NBA draft-a Washington Bullets zawmtu hian kum 2000 thleng khan NBA-ah a la khel a ni. Player tha tak nimahse inhliam neuh neuhin a tlakbuak reng avangin a that tur angin a tha chhuak lo kan ti thei ang. 1994-95 season kha a chet that ber tum niin game tin points 14.5 score ziah ang a ni. Muresan hian jersey no 77 hain hei hi a sanzawng nen a in an vang niin an sawi. 


2. Manute Bol (7 ft, 6 ¾ in)

Guiness Book of World Records-in 7 feet, 6 ¾ inches sanga a chhinchhiah Bol pawh hi sang vet vet tak a ni. Sudanese mihang tlangval Bol hian a NBA career-ah team pali tan a khel hman a, chungte chu- Bullets, Golden State Warrior, Philadelphia 76ers leh Miami Heat tan te a khel hman a ni. NBA a khelh chhung hian a points score aiin a shots block a tam zawk a ni. Manute tih hi Sudan tawnga 'malsawmna hlu' tih a ni. An chhungkua hi an sang hle a, espn-in an kawm tumin,'' ka pa hi 6 ft 10 Inches niin, ka nu pawh ft 6 ft 8 Inches a ni bawk" tiin a sawi a ni. 


Shawn Bradley (7 ft 6 in)

Philadelphia 76ers, New Jersey Nets leh Dallas Mavericks tana Centre ni thin Bradley hi player thiam tak ti a sawi ni ngai lo mahse player sang tak zawng a ni chiang e. A rookie season 1993-94 khan 10.3 points, 6.2 rebounds, and 3.0 blocks game tin nei ziahin NBA All-Rookie Second Team-ah telh a ni.


4. Yao Ming (7 ft 6 in)

kum 1980, September 12-a piang Chinese tlangval Yao Ming pawh hi a hniam lem lo khawp mai, 7 ft 6 Inches chauh a ni. Kum 2002 khan NBA Draft-ah number one pick niin Houston Rockets a zawm a, NBA ti hmuhnawmtu a tling pha hial a ni. A taksa len avanga inhliam nasa tak Ming hian kum 2011 khan Basketball a chawlsan a, a khelh chhung khan Block ngah ber pahnihna a ni thei a ni. Yao Ming hi a piantirh pawhin a lian hle a, Kg 5 laia rit a ni, Chinese naupiang pangngai let hnih zeta rit a nih chu. A pa Yao Zhiyuan hi ft 6 ft 7 Inches niin a nu Fang Fengd pawh hi 6 ft 3 Inches zeta sang a ni bawk, thlahtu a nei tha em a ni ti mai ang.


5. Chuck Nevitt (7 ft 5 in)

Jersey no 52 ha thin Nevitt hi sang viau mahse a game a sang lemlo hle a ni ngei ang, NBA-ah kum 9 zet khel mahse NBA game 155 chauh khelin minutes 826 lek a khel a ni. A career-ah team tha Houston Rockets, Los Angeles Lakers, Detroit Pistons, Chicago Bulls leh San Antonio Spurs tan a khel thei tlat bawk. Kum 1985-a Lakers an champion khan Roster-ah telin NBA history a Champion thei player sang ber a ni.