NBA Finals game hmasa ber chu Zirtawpni tuk khan khelh a ni a, Golden State Warriors chuan 108-100 in Cleveland Cavaliers an hneh.

Game 1-ah hian Warriors tan Stephen Curry a che tha ber a, point 26 score-in assists vawi 8 a nei a rebounds pawh vawi 4 a nei bawk. Klay Thompson pawh Warriors player zinga che thaah a tel a, point 21 score-in assist vawikhat a nei.

Cavaliers chuanvawr LeBron James chuan point 44 score-in assists vawiruk nei a, rebounds pawh vawiriat nei mahse an team a chhanhim zo lo va a tira an chetchhiat an tuar tluan.

Kyrie Irving pawh Cavaliers player zingah che tha pawl a ni pha a, point 23 score-in assist vawiruk a nei.

Warriors hian an shot atanga 44.3% ah point an hlawhchhuak thei a, Cavaliers hian an shot atanga 41.5% ah point an hlawhchhuak thei thung.

Final Game 2 chu tun Pathianni hian Oracle Arena-ah khelh a ni ang.