Ningani zing khan NBA Finals game 3 khelh a ni a, Denver Nuggets chuan 109-94 in hnehna an chang a, Series-ah 2-1 in Nuggets hian Heat lakah hma an hruai ta.

Inkhel hmuhnawm tak a ni, 1st quarter-ah chungnung zawk an awm lo, team hnih te 24-24 in an inhnehtawk. 

2nd quarter-ah Denver an che tha ta zawk a, quarter thumna-ah pawh an fal chho, quarter hnuhnung berah erawh Miami Heat an rawn che tha ve leh deuh a, mahse a tlai ta hret a ni.

Miami Heat tan Jimmy Butler a khel chhe lem lo, point 28 a thawkchhuak, Bam Adebayo pawhin point 22 a thawkchhuak bawk a, Caleb Martin chuan point 10 a rawn nei ve phak hram bawk.

Denver Nuggets tan Jamal Murray leh Nikola Jokic te an che tha leh hle. Anni pahnih hian triple double an nei ve ve. Jamal Murray chuan point 34 a score a, rebound vawi 10 neiin assist vawi 10 a nei bawk.

Nikila Jokic pawhin point 32 a thawkchhuak a, rebound vawi 21 lai a la a, assist vawi 10 a nei bawk. Christian Braun chuan point 15 a score kai bawk a ni. Game 4 hi Inrinni zing dar 6-ah khelh a ni leh dawn a ni.