NBA Final Game 5 ah LeBron James chuan 40-point, 14-rebound, 11-assist Cavaliers tan thawh mahse a tawk lo a, Golden State Warriors lakah 91-104 in an tlawm a, Final Series ah hian Golden State warriors in 3-2 in hma an hruai ta ni.

Game 6 hi Tuesday ah Cleveland lamah khelh leh a ni ang a, Asia khawmualpui atang chuan Wednesday zingah a ni ang. Inkhelh leh hunah hian Cleveland Cavaliers tan chak ngei ngei a ngai tawh dawn a, an tlawm hlauh chuan Golden State Warriors an champion tawh dawn a ni.

Golden State warriors tan hian Stephen Curry chuan Points 37 lai a thawh chhuak a. 4th Quarter a Points 17 lai a rawn score kha Golden State Warriors hma hruaina kawngah a pawimawh hle a ni.

ORACLE Arena, Oakland, CA-a inkhel hmuhnawm takah hian LeBron James chuan 40 points score-in, rebounds vawi 14 lai a la a, Assists pawh vawi 11 a nei, Thompson chuan 19 points in James hi a pui ve bawk, mahse midang an che hleithei lo a ni ber mai. Golden State Warriors tan Stephen Curry chuan 37 points a nei a, Iguodala 14 points leh Green 16 points te chu Warriors chakna kan ti lo thei lo a ni.

1st quarter-ah 22-22 in an inhnehtawk chiah a, second quarter-ah pawh an inhnehtawk hle, half time a nih chuan Warriors chuan 51-50 in hma an hruai a, 3rd quarter leh 4th quarter-ah Curry chet that vangin Cleveland hian an umphak thei ta lo a ni.