24 Jan 2018 11:48

inkhel

NBA chanchina point 30,000 khung tling thei naupang ber James

LeBron James chuan Kobe Bryant record lehpelin NBA chanchina regular-season point 30,000 khung tling thei naupang ber nihna a chelh ta.

James hian Kobe record siam tawh khum turin vawiriat score chiah a mamawh tawh sa a, Nilaini tuk khan Cleveland Cavaliers leh San Antonio Spurs an inkhel a Spurs hian 114-102 in hnehna chang mahse James hian point 28 a khung a record a siam.

Miami Heat player hlui James hian kum 33 leh ni 24-a upa ni chungin point 30,000 hi a khung tling thei a, Los Angeles Lakers star ni țhin Bryant hian kum 34 leh ni 104-a upa anihin point 30,000 hi a khung tling.

NBA chanchinah hian point 30,000 khung tling tawh chu James leh Kobe-te bakah hian Kareem Abdul-Jabbar, Karl Malone, Michael Jordan, Wilt Chamberlain leh Dirk Nowitzki-te an ni a, Dallas Mavericks star Nowitzki hian point 30,808 khung tawhin James a lawmpui thu hi internet lamah a tarlang nghe nghe a ni.